(સંજય પટેલ,જંબુસર)
આ પ્રસંગે શાળાનો માહોલ ઉત્સાહ અને ઉમંગથી છલકાઈ ઉઠ્યો હતો.
આ કાર્યક્રમમાં મુખ્ય મહેમાન તરીકે ગુજરાત રાજ્ય પંચાયત ગ્રામીણ સચિવ રજનીકાંત વાઘેલા સાહેબ ઉપસ્થિત રહ્યા હતા.તેમની સાથે લાયઝન ઓફિસર અમૃતભાઈ પઢીયાર, ગુજરાત રાજ્ય ઉપપ્રમુખ દિનેશભાઈ મકવાણા, નગરપાલિકા કોર્પોરેટર શૈલેષભાઈ પટેલ અને એસ.એમ.સી અધ્યક્ષ વૈશાલી બેન સહિત મોટી સંખ્યામાં વાલીગણ પણ હાજર રહ્યા હતા.
કાર્યક્રમની શરૂઆત ખૂબ જ હૃદયસ્પર્શી હતી. મહેમાનો દ્વારા દીપ પ્રાગટ્ય બાદ શાળાના બાળકોએ સુંદર પ્રાર્થના રજૂ કરી, પધારેલ મહેમાનોનું પુસ્તક, પુષ્પગુચ્છ અને બેજ આપીને ભાવભર્યું સ્વાગત કર્યું. શાળાની ધોરણ 8 ની વૈભવી ખારવા અને સાફિયા મલેક દ્વારા સમગ્ર કાર્યક્રમ નું સંચાલન કરવામાં આવ્યું હતું. આંગણવાડીના ૩,બાલવાટિકા ૧૮ અને ધોરણ એકની ૮ વિદ્યાર્થીનીઓને શાળામાં પ્રવેશ અપાયો હતો.જે તેમના શૈક્ષણિક જીવનનો શુભારંભ હતો. બાળકોએ ઘરેથી લાવેલી “વેસ્ટ માંથી બેસ્ટ” કલાકૃતિઓ દ્વારા મહેમાનોનું સ્વાગત કરીને સૌને પ્રભાવિત કર્યા.
આજે વિદ્યાર્થીઓના સન્માનનો પણ કાર્યક્રમ હતો. નિયમિત ૧૦૦ ટકા હાજરી ધરાવનાર, પ્રથમ નંબર મેળવનાર, અને બાહ્ય પરીક્ષામાં ઉત્તીર્ણ થનાર વિદ્યાર્થીનીઓનું તેમના વાલી સાથે સન્માન કરાયું. એક્સિસ બેંક દ્વારા મળેલ દફતર કીટ પણ તેમને આપવામાં આવી.તાલુકા, જિલ્લા અને રાજ્ય કક્ષાએ શ્રેષ્ઠ દેખાવ કરનાર બાળકોને મુખ્ય મહેમાનશ્રીના હસ્તે સન્માનિત કરાયા.
આ કાર્યક્રમમાં ધોરણ ૭ ની સંજના ચૌહાણ એ સામાજિક ઉત્થાન અને કલ્પના પાડા એ બેટી બચાવો જેવા મહત્વના વિષયો પર વક્તવ્યો આપીને પોતાની જાગૃતિનો પરિચય આપ્યો. બાળકો અને વાલીઓએ આ કાર્યક્રમને ખૂબ જ ઉત્સાહથી વધાવ્યો.
કાર્યક્રમના અંતે, મુખ્ય મહેમાન રજનીકાંત વાઘેલા સાહેબના પ્રેરક ઉદ્બોધનથી બાળકોમાં ઉત્સાહનો સંચાર થયો.તેમણે બાળકોને જીવનમાં ઉતરોતર પ્રગતિ કરવા માટે પ્રોત્સાહિત કર્યા હતા.પધારેલ મુખ્ય મહેમાન સાથે એસએમસી સમિતિની બેઠક યોજાઈ હતી.
શાળાના સિનિયર શિક્ષક છત્રસિંહએ કાર્યક્રમને સફળ બનાવવા બદલ તમામ શિક્ષક મિત્રો, પત્રકારો, મહેમાનો અને ઉપસ્થિત રહેલા વાલીઓનો હૃદયપૂર્વક આભાર માન્યો હતો.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
