આમોદ,
આમોદ તાલુકાના સરભાણમાં આવેલી શ્રી એ.એલ.જે.પટેલ એન્ડ શ્રી ડી.જે.પટેલ આર્ટસ એન્ડ કોમર્સ કોલેજના ગુજરાતી વિભાગના અધ્યક્ષ ડૉ.નરેશ વાઘેલાની માતૃસંસ્થા બારડોલી કૉલેજ ખાતે બદલી થતાં ગત તારીખ ૩૦ જૂનના રોજ કોલેજના સભાગૃહ ખાતે તેમનો વિદાય સન્માન સમારંભ યોજાયો હતો.આ વિદાય સમારંભમાં કોલેજના પ્રમુખ સોમા પટેલ તથા ટ્રસ્ટીગણ તેમજ કોલેજના આચાર્ય, અધ્યાપકો,વિદ્યાર્થીઓ તથા ભૂતપૂર્વ વિદ્યાર્થીઓ મોટી સંખ્યામાં ઉપસ્થિત રહ્યા હતા.કોલેજના સ્ટાફ તથા કોલેજના ટ્રસ્ટીઓ દ્વારા પ્રશસ્તિ પત્ર તથા મોમેન્ટો આપી ડૉ.નરેશ વાઘેલાનું સન્માન કરવામાં આવ્યુ હતુ.આ પ્રસંગે ભૂતપૂર્વ વિદ્યાર્થીઓએ ઉપસ્થિત રહી ડો.નરેશ વાઘેલા સાથેના અભ્યાસ સમયના પ્રસંગોને યાદ કર્યા હતા અને પોતાના જીવનમાં એમના યોગદાનની વાતો કરી હતી.ગ્રામ્ય વિસ્તારમાં આવી ઉમદા સેવા આપનાર પ્રા.નરેશ વાઘેલાના કાર્યને યાદ કરી એમનો ભવિષ્યમાં પણ સહયોગ મળશે તેવી આશા વ્યક્ત કરી હતી.નરેશ વાઘેલાએ પ્રતિભાવમાં આ કોલેજે આપેલી તક બદલ આભાર માન્યો હતો અને પોતાના માર્ગદર્શન હેઠળ પી.એચ.ડી કરનાર ૬ જેટલા વિદ્યાર્થીઓ અધ્યાપક બન્યા છે અને અનેક વિદ્યાર્થીઓ શિક્ષક તરીકેની સેવા આપી રહ્યા હોવાની વાતો કરી કોલેજના સંસ્મરણો યાદ કર્યા હતા.આવનારા દિવસોમાં આ કોલેજ વધુ પ્રગતિ કરે એવી શુભકામનાઓ પાઠવી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
