– સાધારણ સભામાં વાર્ષિક હિસાબો,વર્ષ દરમ્યાન થયેલ કામોની વિસ્તૃત માહિતી રજૂ કરવામાં આવી
– પેન્શનર સંગઠનને વધુ મજબૂત બનાવવા મંડળના પ્રમુખ આહીર ધ્વારા ઉપસ્થિત સૌને હાકલ કરાઈ
– સાઈબર ગુના અંગે વિસ્તૃત અને સચોટ માહિતી સભાસદો સમક્ષ રજૂ કરવામાં આવતા સભાસદોએ પ્રસન્નતા વ્યકત કરી
ભરૂચ,
ભરૂચ જિલ્લા પેન્શનર મંડળ ભરૂચની વાર્ષિક સાધારણ સભા તાજેતરમાં ભરૂચ ખાતે ડો. બાબાસાહેબ આંબેડકર ભવનમાં મળી હતી.આ વાર્ષિક સાધારણ સભામાં મુખ્ય મહેમાન તરીકે રીમેજીંગ વેન્ચર્સ પ્રા.લી.ભરૂચના ફાઉન્ડર અને એમ.ડી અભિષેક મિશ્રાજી, કો.ફાઉન્ડર મનમોહનકુમાર પાઠકજી, જિલ્લા તિજોરી અધિકારી જે.એન.પટેલ,વીરા વેલ્થવાઈઝ પ્રા.લી. ભરૂચના ડીરેકટર રમેશભાઈ જે.ખુમાણ ઉપસ્થિત રહયા હતા.
પ્રારંભે મંડળના પ્રમુખ પરસોત્તમભાઈ પી.આહીરે ઉપસ્થિત મહેમાનો તથા સભાસદોનું શાલ-ફૂલહાર તેમજ શાબ્દિક સ્વાગત કરી મંડળના વાર્ષિક હિસાબો સભા સમક્ષ પ્રસ્તુત કરી બહાલી મેળવી, વર્ષ દરમ્યાન થયેલ કામોની વિસ્તૃત માહિતી રજૂ કરી સંગઠનને વધુ મજબૂત બનાવવા ઉપસ્થિત સૌને હાકલ કરી હતી.ઉપસ્થિત મહાનુભાવો દ્વારા પ્રાસંગિક ઉદબોધનમાં મંડળની કામગીરીને બિરદાવી હતી.
આ વેળાએ સાઈબર ક્રાઈમ ભરૂચના પો.સ.ઈન્સ્પેકટર મલ્કેશ ગોહિલે સાઈબર ગુના અંગે વિસ્તૃત અને સચોટ માહિતી ખૂબ જ સરળ ભાષામાં મંડળના સભાસદો સમક્ષ રજૂ કરવામાં આવતા સભાસદોએ પ્રસન્નતા વ્યકત કરી હતી. અંતમાં ઉપસ્થિત સૌનો આભાર વ્યકત કરવામાં આવ્યો હતો.વાર્ષિક સાધારણ સભામાં ભરૂચ જિલ્લા પેન્શનર મંડળના આગેવાન હોદ્દેદારો સહિત મોટી સંખ્યામાં સભાસદો ઉપસ્થિત રહ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
