– અકસ્માતમાં એક બાઈક દબાય અને કેબિનમાં બેઠેલા એક વ્યક્તિને માથામાં ઈજા
(જયશીલ પટેલ,ઝઘડીયા)
ઝઘડિયા મેઈન બજારમાં આજે બપોરના સમયે ગમખ્વાર અકસ્માત થતા રહી ગયો હતો. રસ્તામાં બ્લોક બેસાડવાની કામગીરી દરમ્યાન રેતી ડસ્ટ ભરીને આવતી એક ટ્રકના વજનને કારણે ભૂવો પડતા ટ્રક પલ્ટી ગઈ હતી.ટ્રક પલ્ટી જતા એક કેબિન તુટી ગઈ હતી.તો કેબિનમાં બેઠેલા એક વ્યક્તિને માથાના ભાગે ઈજા પહોંચી હતી. કેબિનની બાજુમાં ઉભેલી એક બાઈક દબાય ગઈ હતી જો કે બાઈક ચાલકનો બચાવ થયો હતો. ઝઘડિયા મેઈન બજારથી ગાંધી ચોક સુધી હાલ રોડ ઉપર બ્લોક બેસાડવાની કામગીરી ચાલી રહી છે.આજે બપોરના સમયે બ્લોક બેસાડવા માટે પાથરવામાં આવતી રેતી ડસ્ટ ભરીને એક ટ્રક આવી હતી. અચાનક જ ડસ્ટ ખાલી કરવા જતાં રસ્તામાં મોટો ભૂવો પડ્યો હતો અને ટ્રકનું ટાયર ભૂવામાં ફસાઈ જતાં ટ્રક પલ્ટી ગઇ હતી. ટ્રક પલ્ટી જવાથી એક પતરાની કેબિન તુટી ગઈ હતી.જ્યારે અંદર બેઠેલા એક ચમનભાઈ મોદી નામના ઈસમને માથાના ભાગે ગંભીર ઈજાઓ પહોંચી હતી.જેને સારવાર માટે નજીકની હોસ્પિટલમાં લઈ જવાયો હતો.કેબિનની બાજુમાં પાર્ક કરેલી એક બાઈક પણ ટ્રક નીચે દબાઈ હતી.જો કે સદ્દભાગ્યે બાઇક ત્યાં હાજર ન હોય તેનો આબાદ બચાવ થયો હતો.ટ્રક પલ્ટી જતા મેઈન બજારમાં અફરા તરફી નો માહોલ સર્જાયો હતો.સદ્દનસીબે મોટી જાનહાની ટળી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
