નર્મદામાં ચોમાસે પ્રકૃતિ ખીલી સોળે કળાએ : પોચા રૂના પર્વતો જેવા વાદળ ઉમટ્યા
(જ્યોતિ જગતાપ,રાજપીપલા)
નર્મદાને મીની કાશ્મીરનું બિરુદ આપવામાં આવ્યું છે.સાતપુડાના પર્વતો અને વિન્ધ્યાચલની ગિરીમાળા, લીલા છમ્મ જંગલો વચ્ચે અત્યારે વરસાદી માહોલ માંપ્રકૃતિ સોળે કળાએ ખીલી ઉઠી છે.ખાસ કરી નેસ્ટેચ્યુ ઓફ યુનિટી પરિસરમાં વરસાદી માહોલમાં પ્રકૃતિના અદભુત દ્રશ્યો સર્જાયા છે.
એકતા નગરને ચોમાસાએ માતા પ્રકૃતિનો અદભુત સાક્ષાત્કાર કરાવ્યો છે.ક્યારેક ઝરમર વરસે છે અને ક્યારેક પોચા પોચા રૂ ના પર્વતો જેવા વાદળ ઉમટે છે.અને સાતપુડા ની શાખે લોહ પુરુષની પ્રતિમા કુદરતની આ રમ્ય લીલાને અવિચળ સ્નેહથી જાણે કે નિહાળે છે અને ગુજરાતની જીવાદોરી માં નર્મદા આ બધી લીલા જોઈને હરખના મોજે વહી રહી છે.એકતા નગરને માણવા અને જાણવાનો આ જ સાચો સમય છે,મોન્સૂન મેજિકમાં ખોવાઈ જવાની આ અનન્ય ઘડીઓ સહુ પ્રકૃતિ પ્રેમીઓને હેતના તેડા મોકલી રહી છે.હાલ વરસાદ,વાદળ અને લીલા છમ્મ જંગલોની હરિયાળી પ્રકૃતિએ મીની કાશ્મીરનું સૌંદર્ય ખડું કર્યુ પ્રવાસીઓ ઝૂમી ઉઠ્યા છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
