google.com, pub-4874237707233099, DIRECT, f08c47fec0942fa0

Friday, May 24, 2024
HomeGujaratગરુડેશ્વર તાલુકાના અશક્ત અને દિવ્યાંગ નાગરિકોને મતદાન કરવામાં સરળતા રહે તે માટે...

ગરુડેશ્વર તાલુકાના અશક્ત અને દિવ્યાંગ નાગરિકોને મતદાન કરવામાં સરળતા રહે તે માટે પિંક ઓટોની ફાળવણી 

- પિંક ઓટો ડ્રાઈવર સાથે ગરુડેશ્વર તાલુકાના ગામોમાં જઈ અશક્ત, દિવ્યાંગ મતદારોને મતદાન મથક સુધી પરિવહનની સુવિધા પૂરી પાડશે

(જ્યોતિ જગતાપ,રાજપીપલા)

પાછલા  મતદાનોમાં નર્મદા જિલ્લાની મતદાનની ટકાવારી ઊંચી રહી છે અને આ વખતની લોકસભાની ચૂંટણી માં પણ ઊંચી મતદાન ટકાવારી આવે તે માટે તંત્ર પ્રયત્નશીલ છે.અંતર્યાળ ગણાતા ગરુડેશ્વર તાલુકાના અશક્ત અને દિવ્યાંગ નાગરિકોને મતદાન કરવામાં સરળતા રહે એ માટે સ્ટેચ્યુ ઓફ યુનિટી એરિયા ડેવલપમેન્ટ એન્ડ ટુરિઝમ ગવર્નાન્સ ઓથોરિટી દ્વારા પિંક ઓટો ઉપરાંત વ્હિલચેરની ફાળવણી કરવામાં આવશે. 

આ માટે જિલ્લા ચૂંટણી તંત્ર સાથે મળી સમજૂતી કરાર કરવામાં આવ્યા છે.સ્ટેચ્યુ ઓફ યુનિટી પરિસરમાં મહિલાઓ દ્વારા પિંક ઓટોનું સંચાલન કરવામાં આવે છે.આ ઓટો ઈલેક્ટ્રિક છે અને પર્યાવરણહિતેષી છે.આ ઉપરાંત અહીં આવતા અશક્ત પ્રવાસીઓ માટે વ્હિલચેર વસાવવામાં આવી છે.પ્રવાસીઓની મહત્તમ જરૂરિયાત ધ્યાને રાખી બાકીની વ્હિલચેર નાંદોદ પ્રાંત કચેરીને ચૂંટણી પૂરતા દિવસો માટે આપવામાં આવશે.પછી પરત મેળવી લેવામાં આવશે.આ ઉપરાંત સ્ટેચ્યુ ઓફ યુનિટી વિસ્તાર વિકાસ અને પ્રવાસન નિયમન પ્રાધિકરણ દ્વારા પિંક ઓટો મતદાનના દિવસ માટે ફાળવવામાં આવશે.આ પિંક ઓટો ડ્રાઈવર સાથે ગરુડેશ્વર તાલુકાના ગામોમાં જઇ અશક્ત, દિવ્યાંગ મતદારોને મતદાન મથક સુધી પરિવહનની સુવિધા પૂરી પાડશે. આમ,જિલ્લા વહીવટી તંત્ર અને સ્ટેચ્યુ ઓફ યુનિટી વિસ્તાર વિકાસ અને પ્રવાસન નિયમન પ્રાધિકરણ દ્વારા શારીરિક અસક્ષતાને કારણે મતદાનથી વંચિત રહી ના જાય એ સુનિશ્ચિત કરવામાં આવ્યું છે.સ્ટેચ્યુ ઓફ યુનિટી વિસ્તાર વિકાસ અને પ્રવાસન નિયમન સત્તામંડળ,એકતા નગરના મુખ્ય કારોબારી અધિકારી  ઉદિત અગ્રવાલ તરફથી અધિક કલેકટર ગોપાલ બામણીયા અને જીલ્લા ચુંટણી તંત્ર તરફથી જિલ્લા ચૂંટણી અધિકારી શ્વેતા તેવતિયા વતી પ્રાંત અધિકારી,રાજપીપળા ડૉ.કિશનદાન ગઢવીએ સમજુતી કરાર પર હસ્તાક્ષર કર્યા હતા.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!