અંકલેશ્વર : જીતાલી-દઢાલ માર્ગ પર ગાંજાની ખેતી કરનાર ઈસમની પોલીસે ધરપકડ કરી

અંકલેશ્વર,
અંકલેશ્વર તાલુકાના સેંગપુર ગામના જીતાલી-દઢાલ માર્ગ પર ઝૂંપડાની દીવાલ પાસે ઉગાડેલ 7 કિલો લીલો ગાંજો મળી રૂ.74 હજારના મુદ્દામાલ સાથે ભરૂચ એસઓજી પોલીસે એક ઈસમને ઝડપી પાડયો હતો.
મળતી માહિતી અનુસાર ભરૂચ એ.ઓજી પોલીસના હેડ કોન્સ્ટેબલ ભાવસિંગ વસાવાને બાતમી મળી હતી કે અંકલેશ્વર તાલુકાના સેંગપુર ગામના જીતાલી -દઢાલ માર્ગ ઉપર ઝૂંપડું બનાવી રહેતા એક ઈસમે લીલા ગાંજાના છોડ ઉગાડેલા છે.જે બાતમીના આધારે પોલીસે સ્થળ પર દરોડા પાડતા પોલીસને ઝૂંપડાની બાજુમાં સિમેન્ટના પતરાની દીવાલને અડીને ઉગાડેલા 2 જેટલા લીલા ગાંજાના છોડ મળી આવ્યા હતા.પોલીસે 7.440 કિલો લીલો ગાંજો મળી કુલ રૂપિયા 74 હજારનો મુદ્દામાલ કબ્જે કરી સેંગપુર વડ ફળીયામાં રહેતા ઈસમની ધરપકડ સાથે આગળની કાર્યવાહી હાથધરી હતી.