google.com, pub-4874237707233099, DIRECT, f08c47fec0942fa0

Saturday, July 13, 2024
HomeGujaratઝઘડિયાના વેલુગામ નર્મદા નદી માંથી ગેરકાયદેસર રેત ખનન પર ભૂસ્તર વિભાગે દરોડા...

ઝઘડિયાના વેલુગામ નર્મદા નદી માંથી ગેરકાયદેસર રેત ખનન પર ભૂસ્તર વિભાગે દરોડા પાડી પોણા બે કરોડનો મુદ્દામાલ જપ્ત કર્યો

- સાત ટ્રકો તેમજ બે હિટાચી મશીન સ્થળ ઉપરથી ઝડપી કાયદેસર કાર્યવાહી હાથધરી : પોણા બે કરોડનો મુદ્દામાલ જપ્ત કરી ઉમલ્લા પોલીસને સોંપ્યા : ટ્રકો અને હિટાચી મશીન કોના? : કોણ કરી રહ્યું હતું ગેરકાયદેસર ખનન?

(જયશીલ પટેલ,ઝઘડિયા)
ભરૂચ જીલ્લાના ઝઘડિયા તાલુકાના વેલુગામ નર્મદા નદી માંથી ગેરકાયદેસર રેતી ખનન ઝડપી સાત ટ્રક તેમજ બે હિટાચી મશીન ઝડપી ભરૂચ ખાણ ખનીજ વિભાગ દ્વારા પોણા બે કરોડનો મુદ્દમાલ જપ્ત કરી કાયદેસર કાર્યવાહી હાથ ધરવામાં આવી હતી.
મળતી માહિતી મુજબ ભરૂચ જીલ્લાના ઝઘડિયા વેલુગામ નર્મદા નદીમાં રાત્રે દરમ્યાન ગેરકાયદેસર રેતી ખનન ચાલી રહ્યું હતું જે બાતમી મુજબ ભરૂચ ખાણ ખનીજ વિભાગના અધિકારીઓ દ્વારા આકસ્મિક છાપો મારતા ગેરકાયદેસર રેતી ખનન ઝડપાયું હતું.આ બાબત ખાણ ખનીજના અધિકારીએ ટેલીફોનીક વાતચીતમાં જણાવ્યું હતું કે સ્થળ ઉપરથી સાત જેટલી ટ્રકો તેમજ બે હિટાચી મશીન જે મુદ્દામાલની કુલ કિંમત આશરે પોણા બે કરોડ રૂપિયા થાય છે જે જપ્ત કરી વાહનો ઉમલ્લા પોલીસ મથકે સોંપવામાં આવ્યા છે.આ બાબતની જાણ ઝઘડીયા મામતદારને કરતા મામલતદાર સ્થળ ઉપર આવી કાયદેસર કાર્યવાહી હાથધરી હતી.હજુ સુધી આ ગેરકાયદેસર રેત ખનન કોણ કરતું હતું તે માહિતી મળી ન હતી પરંતુ ખાણ ખનીજની આકસ્મિક ચેકિંગથી ગેરકાયદેસર રેતી ખનન કરતા રેતી માફિયાઓમાં ફફડાટ ફેલાઈ જવા પામ્યો છે.
અત્રે ઉલ્લેખનીય છે કે ભરૂચ જીલ્લામાં ગેરકાયદેસર રેતી અને માટી ખનન કરનાર અસામાજીક તત્ત્વોએ માઝા મૂકી છે.જેના પગલે ઓવરલોડ દોડતા રેતી અને માટીના વાહનોના કારણે ઘણીવાર વાહન અકસ્માતો તેમજ નદીમાં થતા ગેરકાયદેસર ખનનના પગલે લોકો ડૂબી જવાથી મોતને ણ ભેટ્યા છે.તો ભરૂચના સાંસદ દ્વારા પણ સમયાંતરે ગેરકાયદેસર રેતી અને માટી ખનન કરતા અસામાજીક તત્ત્વો સામે અવાજ પણ ઉઠાવતા હોય છે પરંતુ તંત્ર દ્વારા યોગ્ય કડક કાર્યવાહી નહિ થતા રેતી અને માટી માફિયાઓ માત્ર દંડ ભરી પોતાના વાહનો છોડાવી પુનઃ ગેરકાયદેસર ખનનમાં લાગી જાય છે.ત્યારે ભરૂચનું વહીવટી તંત્ર હોય કે પછી રાજ્યનું તંત્ર આવા રેતી અને માટી માફિયાઓ સામે કડક કાર્યવાહી કરી તેઓને નક્કર સજા થાય તેવા કાયદાની રચના કરવાની જરૂર છે.જેથી સરકારની તિજોરી અને પર્યાવરણને નુકશાન થતું અટકી શકે.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!