google.com, pub-4874237707233099, DIRECT, f08c47fec0942fa0

Friday, April 19, 2024
HomeGujaratએકતાનગર ખાતે આંતરરાષ્ટ્રીય પતંગ મહોત્સવ ઉજવાયો

એકતાનગર ખાતે આંતરરાષ્ટ્રીય પતંગ મહોત્સવ ઉજવાયો

- નર્મદા ડેમ વ્યુ પોઈન્ટ સાથે આકાશ રંગબેરંગી અને વિશાળ પતંગોથી છલકાયું - આંતરરાષ્ટ્રીય પતંગ મહોત્સવ - ૨૦૨૪ અંતર્ગત દેશવિદેશના પતંગબાજોના કરતબોથી દર્શકો થયા આશ્ચર્ય ચકિત : ગરબાના તાલે ઝૂમી ઉઠ્યા

(જ્યોતિ જગતાપ,રાજપીપલા) 

આંતરરાષ્ટ્રીય પતંગ મહોત્સવ – ૨૦૨૪ અંતર્ગત એકતાનગર ખાતે આવી પહોંચેલા દેશ-વિદેશના પતંગબાજો નર્મદા ડેમ વ્યુ પોઈન્ટ – ૦૧ ખાતે પોતાના કરતબ બતાવી દર્શકોને અચંબિત કરી મૂક્યા હતા. સ્ટેચ્યુ ઓફ યુનિટી પરિસરમાં યોજાયેલા પતંગ મહોત્સવ દરમ્યાન નર્મદા ડેમ સાઈટ તરફનો આકાશી નજારો રંગબેરંગી પતંગોથી છલકાઈ ગયું હતું.

એકતાનગરના ડેમ વ્યુ પોઈન્ટ-૦૧ ખાતે જિલ્લા વહિવટીતંત્ર, ગુજરાત પ્રવાસન નિગમ અને સ્ટેચ્યુ ઓફ યુનિટીના સંયુક્ત ઉપક્રમે પતંગ મહોત્સવ – ૨૦૨૪નું આયોજન કરવામાં આવ્યું હતું.જેમાં ૧૭ દેશના ૩૨ ઉપરાંત ભારતના ૧૭ જેટલા પતંગબાજોએ ચિત્રવિચિત્ર પતંગોને આકાશમાં ચગાવ્યા હતા. ખાસ પ્રકારની દોરી,ખાસ પ્રકારના કાગળથી બનેલા આ પતંગો એક સાથે આકાશમાં પવનની લહેરખી સાથે ઉડતા અદ્દભૂત નજારો સર્જાયો હતો.

આ પતંગોમાં એનિમેશન શ્રેણીના પ્રસિદ્ધ કાર્ટુનો, એરોડાયનેમિક છતાં વિવિધ આકાર અને વિશાળ પતંગોએ દર્શકોમાં આકર્ષણ જમાવ્યું હતું.આ પતંગોને ખાસ પતંગોત્સવ માટે બનાવવામાં આવતા હોય છે.આ પતંગને તેના સંવાહક ભારે સાચવીને દિલની દોરીથી ચગાવે છે.એકતાનગર ખાતે મિનિ ડ્રેગન, રામ ભગવાનની ચિત્ર સહિતના પતંગોથી આકાશ રંગબેરંગી થઈ ગયું હતું.

પતંગ મહોત્સવના પ્રારંભે જિલ્લા કલેકટર શ્વેતા તેવતિયા, સ્ટેચ્યુ ઓફ યુનિટીના નાયબ કલેકટર દર્શક વિઠલાણી અને પ્રાંત અધિકારી કેતુલ ઈટાલિયાએ પ્રાસંગિક ઉદ્બોધન કરી આંતરરાષ્ટ્રીય પતંગ મહોત્સવની ઉજવણીની રૂપરેખા આપી સૌને શુભેચ્છા પાઠવી હતી.દેશ – વિદેશથી આવેલા પતંગબાજોને ઉત્સાહભેર આવકાર્યા હતા. 

સ્થાનિક આદિવાસી કલાકારો દ્વારા પરંપરાગત આદિવાસી નૃત્ય સાથે બાલીકાઓએ દેશ-વિદેશના પતંગબાજોનું કૂમ કૂમ તિલક કરી સ્વાગત કર્યું હતું. આંતરરાષ્ટ્રીય પતંગ મહોત્સવને દિપ પ્રાગટય કરી ઉપસ્થિત મહાનુભાવો દ્વારા સંબોધન કરી તિરંગા કલરના ફૂગ્ગા ખૂલ્લા આકાશમાં છોડી કાર્યક્રમને ખૂલ્લો મૂક્યો હતો.વિદેશી મહાનુભાવો – યુવાનો દ્વારા પોતાના મોબાઈલમાં સેલ્ફી અને ઉત્સાહ ઉમંગથી સર્જાયેલા વાતાવરણને કેમેરામાં કેદ કર્યું હતું. સ્ટેચ્યુ ઓફ યુનિટીની મુલાકાતે આવેલા પ્રવાસીઓએ પણ આ પતંગ મહોત્સવ નિહાળ્યો હતો. 

દેશ વિદેશી અવનવા આકારના પતંગો સાથે આં વર્ષે રામજન્મભૂમી માં રામ ભગવાનની પ્રાણપ્રતિષ્ઠા કાર્યક્રમને લઈને લોકોએ પતંગ જય શ્રી રામ લખી ભગવાન રામનો ફોટો સાથેની પતંગો જોવા મળી સાથે રંગીન આકાશનું દ્રશ્ય અદભૂત અને અવિશ્મરણીય બન્યુ હતું.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!