google.com, pub-4874237707233099, DIRECT, f08c47fec0942fa0

Sunday, July 14, 2024
HomeGujaratસ્વયં અને સમાજ માટે યોગની થીમ સાથે ભરૂચના જીએનએફસી ખાતે બહોળી સંખ્યામાં...

સ્વયં અને સમાજ માટે યોગની થીમ સાથે ભરૂચના જીએનએફસી ખાતે બહોળી સંખ્યામાં લોકોએ યોગઅભ્યાસ કર્યો

- યોગને પોતાની જીવનશૈલીમાં અપનાવે તેવા ઉદ્દેશ્ય સાથે જિલ્લાકક્ષા સહિત નગરપાલિકાઓ અને તાલુકાઓના વિવિધ સ્થળોએ આંતરરાષ્ટ્રીય યોગ દીવસની ઉજવણી કરાઈ

ભરૂચ,
સ્વયં અને સમાજ માટે યોગ’ની થીમ સાથે આંતરરાષ્ટ્રીય યોગ દિવસની ઉજવણી ભરૂચ સ્થિત જીએનએફસી મંદિર ગ્રાઉન્ડ ખાતે ભરૂચ જિલ્લાના જિલ્લા સમાહર્તા તુષાર સુમેરા અને ભરૂચના ધારાસભ્ય રમેશ મિસ્ત્રીની પ્રેરક ઉપસ્થિતિમાં કરવામાં આવી હતી.આ પ્રસંગે રા્જય કક્ષાના યોગ બોર્ડના ચેરેમેનએ જિવંત પ્રસારણ દ્નારા અને જિલ્લા કો-ઓર્ડિનેટરે યોગ પ્રશિક્ષકનો કોમન પ્રોટોકૉલનું નિદર્શન કરીને ઉપસ્થિત લોકોને યોગની વિવિધ મુદ્રાઓનું પ્રશિક્ષણ આપ્યું હતું.
આ પ્રસંગે, ભરૂચના સમાહર્તા તુષાર સુમેરાએ માધ્યમો સાથે વાત કરતા જણાવ્યું હતું કે દર વર્ષે ઉજવાતા વિશ્વ યોગ દીનનો પ્રભાવ હવે વધી રહ્યો છે. આ યોગદીનની ઉજવણીને કારણે લોકો તેને જીવનનો ભાગ બનાવતા આવ્યા છે. ત્યારે આજના દીવસે જેટલા પણ લોકો આ ઈવેન્ટમાં જોડાયા તેઓ પણ યોગનું મહત્વ સમજી રોંજિદા જીવનમાં યોગને ભાગ બનાવે તેવી તેમણે લોકોને હાંકલ કરી હતી.આ પ્રસંગે જમ્મુ કાશ્મીરનાં શ્રીનગરથી પ્રધાનમંત્રી નરેન્દ્ર મોદી તથા બનાસકાંઠાના નડા બેટ ખાતેના રાજ્ય કક્ષાના કાર્યક્રમમાં મુખ્યમંત્રી ભૂપેન્દ્ર પટેલનું યોગ સંદર્ભનું પ્રવચન ઉપસ્થિતોએ રસપૂર્વક નિહાળ્યું હતું. મુખ્યમંત્રીએ નડાબેટ ખાતેથી જીવંત પ્રસારણથી ગુજરાતનાં લોકોનો સંબોધન કરતા વિશ્વ યોગ દિન શુભકામનાઓ પાઠવી હતી.
આ ઉપરાંત, ભારતીય સંસ્કૃતિની ધરોહર અને વારસાને જીવંત રાખવા, યોગાસન અને તેનાથી થતાં ફાયદાઓ વિશે વધુમાં વધુ નાગરિકો જાગૃત્ત થાય, યોગને પોતાની જીવનશૈલીમાં અપનાવે તેવા ઉદ્દેશ્ય સાથે જિલ્લાકક્ષાની સાથોસાથ જિલ્લાની તમામ નગરપાલિકાકક્ષાએ અને તાલુકાકક્ષાએ પણ આંતરરાષ્ટ્રીય યોગની ઉજવણી કરાઈ હતી.
આ તબક્કે ભરૂચના ધારાસભ્ય રમેશ મિસ્ત્રી,કારોબારી ચેરમેનધર્મેશ મિસ્ત્રી,જિલ્લા સમાહર્તા તુષાર સુમેરા, જિલ્લા પ્રાયોજના વહીવટદાર યોગેશ સાંગલે, જિલ્લા વિકાસ અધિકારી પી.આર.જોષી,જિલ્લા પોલીસવડા મયુર ચાવડા,આર.એ.સી એન.આર. ધાંધલ,નાયબ ચૂંટણી અધિકારી સુપ્રિયા ગાંગુલી,નાયબ કલેકટર નૈતિકા પટેલ સહિત અનેક અધિકારીઓ,કર્મચારીઓ તથા રાજકારણીઓ યોગ દિવસની ઉજવણી કરી હતી.
સહિત જિલ્લાની વિવિધ સ્વૈછિક સંસ્થાઓના પ્રતિનિધિઓ તથા શાળા-કોલેજના વિદ્યાર્થીઓ સહિત અંદાજે ૨૫૦૦ જેટલા નગરજનોએ ઉત્સાહભેર  યોગાભ્યાસમાં સહભાગી થયા હતા.

બીજી તરફ ભરૂચની જૂની મામલતદાર કચેરી સામે આવેલ કષ્ટભંજન હનુમાનજી મંદિરના પટાંગણમાં પણ ભરૂચ નગરપાલિકા દ્વારા વિશ્વ યોગ દિવસની ઉજવણી કરવામાં આવી હતી.જેમાં વિશ્વ યોગ દિવસની સવારે ભરૂચ નગરપાલિકાના સભ્યો,કર્મચારીઓ,વિવિધ સ્કુલના વિદ્યાર્થીઓ,પોલીસ જવાનોએ સમૂહમાં યોગાસન કર્યા હતા.ભરૂચના ઝાડેશ્વરની સંસ્કાર ભારતી ટ્રસ્ટ દ્વારા સંચાલિત એસએમસીપી સંસ્કાર વિદ્યાભવન દ્વારા પણ યોગ દિવસની ઉજવણી કરવામાં આવી હતી અને યોગ અંગે માર્ગદર્શન અપાયું હતું.યોગ કરવાથી શારીરિક,માનસિક અને આધ્યાત્મિક કલ્યાણને સમૃદ્ધ પ્રવૃત્તિઓ દ્વારા પ્રોત્સાહિત કરવા માટે પ્રતિબદ્ધ છે,આ વર્ષે પણ આંતર રાષ્ટ્રીય યોગ દિવસ ઉજવવામાં આવ્યો હતો.

તો બીજી તરફ નવયુગ વિદ્યાલય જંબુસરમાં વિશ્વ યોગ દિવસની ઉત્સાહભેર ઉજવણી કરવામાં આવી હતી.જેમાં શાળાના વ્યાયામ શિક્ષક અમરસિંહ વસાવા ના માર્ગદર્શન હેઠળ શાળા પરિવારે યોગના આસનો,સૂર્ય નમસ્કાર તથા પ્રાણાયામ કર્યા હતા.શાળાના આચાર્ય હિતેન્દ્રસિંહ ઠાકોરે જીવનમાં યોગનું મહત્વ બાબતે વિસ્તૃત માર્ગદર્શન આપ્યું હતું.સાથે આજરોજ શાળાના આદર્શ શિક્ષક અનિરુદ્ધસિંહ રાઓલજીનો જન્મદિવસ હોય શાળા પરિવારે તે નિમિત્તે તેમને શુભેચ્છા આપી શાળામાં વૃક્ષારોપણ કરી તેનું જતન કરવાની પ્રતિજ્ઞા લીધી હતી.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!