google.com, pub-4874237707233099, DIRECT, f08c47fec0942fa0

Sunday, June 16, 2024
HomeGujaratઝઘડિયાના રતનપુર નજીક આવેલ હઝરત બાવાગોરની દરગાહનો ઉર્સ ૨૩ મીએ મનાવાશે

ઝઘડિયાના રતનપુર નજીક આવેલ હઝરત બાવાગોરની દરગાહનો ઉર્સ ૨૩ મીએ મનાવાશે

- ૨૨ ને સોમવારે સંદલ શરીફનો કાર્યક્રમ અને ૨૩ મીને મંગળવારે દરગાહના વાર્ષિક ઉર્સની ઉજવણી થશે

(જયશીલ પટેલ,ઝઘડીયા)

ભરૂચ જીલ્લાના ઝઘડિયા તાલુકાના રતનપુર નજીકના પહાડ પર આવેલ સુફી સંત હઝરત બાવાગોર દાદાની દરગાહનો વાર્ષિક ઉર્સ તા.૨૩ મીને મંગળવારના રોજ મનાવવામાં આવશે.

પ્રાપ્ત વિગતો મુજબ તા.૨૨ મીને સોમવારના રોજ સાંજના ૪ વાગ્યે રતનપુર ગામેથી સંદલ શરીફ નીકળીને દરગાહ શરીફે જશે અને ત્યારબાદ પરંપરાગત દરગાહ શરીફે સંદલ ચઢાવાશે.તા.૨૨ મીએ રાત્રે સીદી ધમાલનો કાર્યક્રમ યોજાશે અને બીજા દિવસે તા.૨૩ મીને મંગળવારના રોજ વાર્ષિક ઉર્સની ઉજવણી કરાશે.હઝરત બાવાગોર દરગાહના હાલના ગાદી વારસ હઝરત જાનુબાપુની ઉપસ્થિતિમાં ઉર્સ મનાવાશે.ઉલ્લેખનીય છે કે ૮૦૦ વર્ષ જુની હઝરત બાવાગોરની દરગાહ ભારતભરના પ્રસિદ્ધ યાત્રાધામોમાં સ્થાન ધરાવે છે અને આ દરગાહે ભારતભર માંથી લોકો દરગાહના દર્શનાર્થે આવે છે.આ સ્થળે વર્ષમાં બે વાર ભવ્ય મેળાઓ યોજાય છે.જેમાં ભાદરવા મહિનાના છેલ્લા ગુરૂવારે દરગાહનો ચસ્મો (પાણીનો કુંડ) વધાવવાના દિવસે ભરાતો મેળો તેમજ દરગાહના વાર્ષિક ઉર્સની ઉજવણી પ્રસંગે ભરાતા મેળાનો સમાવેશ થાય છે.બાવાગોર આવવા માટે રાજપારડી અને ઝઘડિયાથી વાહનોની સગવડ મળે છે.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!