કારેલી ગામે પરિણીતાને લઈને યુવાન ફરાર થતાં વેડચ પોલીસ મથકે છ સામે ગુનો નોંધાયો

(સંજય પટેલ,જંબુસર)

જંબુસર તાલુકાના કારેલી ગામે ફુલમાળી સમાજના યુવાને દરબાર સમાજની પરિણીતાને લઇને ફરાર થતા મામલો ગરમાંયો હતો. ગતરાત્રિના આઠ વાગ્યાના અરસામાં મધુબેન કાલિદાસભાઈ હીરાભાઈ ફુલ માળી રહે કારેલી પોતાના ઘરે હતા તે સમયે હેમંતભાઈ ઉર્ફે ભોલાભાઈ તેઓના ઘરે આવી તારો છોકરો મારા કુટુંબી ભાઈ બળવંતભાઈની પત્ની મીનાબેન ને લઇ ગયો હોય,જેથી તારા છોકરાને ગમે ત્યાંથી શોધી લાવ તેમ કહી હેમંતભાઈએ મધુબેન ની છોકરી ને એક તમાચો મારીને જતા રહ્યા હતા. ત્યારબાદ રાત્રિના નવ વાગ્યાના અરસામાં હેમંતભાઈ ઉર્ફે ભોળાભાઈ પઢીયાર, સુનિલભાઈ પઢિયાર, બળવંતભાઈ પઢીયાર, સોહમભાઈ પઢીયાર,ચિરાગભાઈ પઢિયાર તથા જેસીબી ડ્રાઇવર એક સંપ થઈ ફળિયામાં જેસીબી મશીન લઈને ધસી આવ્યા હતા.અને મધુબેન તથા ફુલ માડી સમાજના પાંચ લોકોના મકાનના પાછળના ભાગે આવેલ સૌચાલય સહિતનો બાંધકામ જેસીબી મશીન વડે તોડી નાખી અંદાજિત દોઢ લાખ રૂપિયા નું નુકસાન કરી ફરિયાદીના પુત્રને જાનથી મારી નાખવાની ધમકી આપી હતી.આ બનાવ સંદર્ભે મધુબેન ફુલ માળીએ હુમલાખોરો વિરુદ્ધ ફરિયાદ નોંધાવતા વેડચ પોલીસે ગુનો નોધી કાયદેસરની કાર્યવાહી હાથધરી હતી.

Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is