(જયશીલ પટેલ,ઝઘડિયા)
ઝઘડિયા તાલુકાના ઉમલ્લા નજીકની સેન્ચ્યુરી એન્કા લિમિટેડ (યુનિટ-રાજશ્રી પોલિફિલ કંપની) દ્વારા પોતાની સીએસઆર યોજના હેઠળ ૫૬ જેટલી મહિલાઓને બ્યુટી પાર્લર કોર્સની તાલીમ આપવામાં આવી હતી.ઉલ્લેખનીય છેકે સેન્ચ્યુરી એન્કા લિમિટેડ યુનિટ-રાજશ્રી પોલિફિલ કંપની દ્વારા પોતાની સીએસઆર યોજના હેઠળ આજુબાજુના ગામોમાં વિકાસલક્ષી કામગીરી કરવામાં આવતી હોય છે,જેમાં આરોગ્ય શૈક્ષણિક તેમજ સામાજિક પ્રવૃત્તિઓને આવરી લેવામાં આવતી હોય છે. વર્ષ ૨૦૨૪-૨૫ ના વર્ષની સીએસઆર યોજનાની ગ્રાન્ટ હેઠળ મહિલા સશક્તિકરણ અને આત્મનિર્ભરતાના લક્ષ્યાંકને ધ્યાને લઇને કુલ ૫૬ બહેનો માટે બ્યુટી થેરાપીસ્ટ તાલીમનું આયોજન કરવામાં આવ્યું હતું.તે સંદર્ભે બહેનોની સફળતાપૂર્વક તાલીમ પુર્ણ થતાં તેમને ઉજ્જ્વળ ભવિષ્યની શુભેચ્છા આપવા તેમજ સમ્માનિત કરવા માટેનો કાર્યક્રમ રામનાથ હોલ ભાલોદ ખાતે આયોજિત કરવામાં આવ્યો હતો. કાર્યક્રમમાં રાજપારડી પીઆઈ પી.એચ.ગોહિલ,કંપનીના સી.એફ.ઓ યોગેશ શાહ,કંપનીના આસિસ્ટન્ટ વાઈસ પ્રેસિડેન્ટ (એચ.આર.એન્ડ એડમીન) સંજય અગ્રવાલ તેમજ અન્ય અગ્રણીઓ ઉપસ્થિત રહ્યા હતા.કાર્યક્રમમાં તાલીમ પામેલ બહેનોને બ્યુટી થેરાપીસ્ટની કીટ અને પ્રમાણપત્ર આપી તેમના ઉજવળ ભવિષ્યની શુભેચ્છા પાઠવી સન્માનીત કરવામાં આવ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
