– યુવક ખેતરમાં કામ કરતો હતો ત્યાં દીપડાએ દબોચ્યો
– યુવકનો દિપડા દ્વારા અડધો ખાધેલી હાલતમાં મૃતદેહ મળી આવતા ચકચાર
(જ્યોતિ જગતાપ,રાજપીપળા)
નર્મદા જિલ્લામાં કાળજું કંપાવે તેવી બની ઘટના બની છે.સાગબારા તાલુકાના સેલંબા નવાગામ ફળિયાના યુવકનું દીપડાએ મારણ કર્યું છે.જેમાં 22 વર્ષીય યુવક આકાશ ઉમેશભાઈ વસાવાને દીપડાએ ફાડી ખાધો છે.
બે દિવસ અગાઉ યુવક ખેતરમાં કામ કરતો હતો ત્યાં દીપડાએ આકાશને દબોચ્યો હતો.દીપડો હવે આદમખોર બની ગયો છે ગામમા ઘુસીને લોકો ઉપર હુમલા કરવાના બનાવો વધતા ગામલોકોમા ચિંતાનો વિષય બન્યો છે.
પરિવારે યુવકની અનેક જગ્યાએ શોધખોળ આદરી હતી.આજે 2 દિવસ બાદ પોતાના ખેતર થી દુર ઝાડી ઝાંખરીમાં યુવકનો કાળજું કંપાવી નાખે તેવી હાલતમાં મૃતદેહ મળી આવ્યો હતો.યુવકનો દિપડા દ્વારા અડધો ખાધેલી હાલત માં મૃતદેહ મળી આવતા ચકચાર મચી જવા પામી છે.જોકે આ જગ્યા પરની આ ત્રીજી ઘટનાછે આ એજ જગ્યા છે જ્યાં 10 દિવસ પહેલાજ એક મહિલા પર દીપડાએ હુમલો કર્યો હતો.મહિલાનો સદનસીબે જીવ બચી ગયો હતો પરંતુ પગમાં 28 ટાંકા આવ્યા હતા
સાગબારા રેન્જ ફોરેસ્ટ વિસ્તારનો આ બનાવ છે.વન વિભાગે પાંજરું મૂકી દીપડાને પકડવાના પ્રયાસો હાથ ધર્યા હતા.વન વિભાગે મુકેલ પાંજરાની વિરુદ્ધ દિશામાં બનેલો આ બનાવ બન્યો છે.ખેતરમાં કામ કરતી વખતે યુવકને દિપડો ખેંચી ગયો અને ફાડી ખાતા ગ્રામજનોમાં ભયનો માહોલ જોવા મળ્યો છે.દિપડો પકડવા વન વિભાગની ટીમે કવાયત હાથધરી છે.
