રાજપીપલા,
સરકારી વિનયન અને વિજ્ઞાન કોલેજ, દેડિયાપાડાની એન.એસ.એસની વાર્ષિક શિબિર તા. ૨ થી ૮ જાન્યુઆરી, ૨૦૨૫ દરમિયાન દેડિયાપાડા તાલુકાના સરકારી માધ્યમિક શાળા ડુમખલ ખાતે યોજાઈ હતી. શિબિરના સાતમાં દિવસે સવારે પ્રભાત ફેરી કરી હળવી કસરત કરાવવામાં આવી હતી. સરકારી વિનયન અને વિજ્ઞાન કોલેજ દેડિયાપાડાના પ્રિન્સિપાલ ડૉ.અનિલાબેન પટેલની અધ્યક્ષતા હેઠળ સ્વયંસેવકો સરકારી માધ્યમિક શાળા ડુમખલના વિદ્યાર્થીઓ માટે રમત-ગમતની પ્રવૃત્તિઓનું આયોજન કરાયું હતું.
પ્રાસંગિક ઉદબોધન ડો.અનિલાબેન પટેલ, સંજયભાઈ પરમાર દ્વારા આપવામાં આવ્યું હતું.પ્રસંગોચિત એન.એસ.એસના સ્વયંસેવકોને જીવન ઘડતરમાં એન. એસ. એસનું કેટલું મહત્વ છે એ અંગે માહિતી આપી હતી.એનએસએસના પ્રોગ્રામ ઓફીસર ડો.રમેશભાઈ વસાવાએ સમાપન માં પોતાના વિચારો રજૂ કર્યા હતા. ત્યાર બાદ બે વિધાર્થીઓ દ્વારા પોતાના અનુભવો પ્રસ્તુત કરવામાં આવ્યા હતા.આ સાથે સાંસ્કૃતિક કાર્યક્રમ પ્રસ્તુત કરાયું હતું.સાતમા દિવસે સમાપન સમારોહમાં સરકારી વિનયન અને વિજ્ઞાન કોલેજના પ્રિન્સિપાલ ડો.અનિલાબેન પટેલ, સંજયભાઈ પરમાર, હંસાબેન વસાવા સહિત માધ્યમિક શાળા, ડુમખલના આચાર્ય અને સ્ટાફ તેમજ ડુમખલ ગામના માજી સરપંચ ગણપતભાઈ તડવી કાર્યક્રમમાં ઉપસ્થિત રહ્યા હતા.આ સમગ્ર કાર્યક્રમનું સંચાલન એન.એસ.એસ ના સ્વયંસેવક સુનિલભાઈ પારસીંગભાઇ વસાવા એ કર્યું હતું.આભાર દર્શન વૈષ્ણવ મોનિકાએ કર્યું હતું.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
