ભરૂચ,
ભરૂચ જીલ્લાના દહેજમાં સાથે નોકરી કરનાર કામદારની હત્યા કરનાર આરોપીને પોલીસે ઝડપી પાડ્યો છે.દહેજના ન્યુ વાડીયા ગામે કુલદીપ હાઉસમાં રહેતા બે કામદારો વચ્ચે ૨૬ મી જાન્યુઆરીએ અંગત અદાવતે બોલાચાલી થઈ હતી.આ ઘટનામાં પરમેશ્વર રામપ્રવેશ દયાલે રાકેશસિંઘ રામેશ્વરસિંઘ પર ક્રિકેટ બેટથી હુમલો કર્યો હતો.રાકેશસિંઘ જ્યારે તેના રૂમમાં સૂતો હતો, ત્યારે પરમેશ્વરે તેના માથાના ભાગે બેટ વડે હુમલો કર્યો હતો.ગંભીર ઈજાઓને કારણે સાથી કામદારો તેને ભરૂચની ખાનગી હોસ્પિટલમાં લઈ ગયા હતા.જ્યાં સારવાર દરમ્યાન તેનું મૃત્યુ થયું હતું.
દહેજ પોલીસે પીઆઈ એચ.બી.ઝાલાની સૂચના મુજબ સર્વેલન્સ સ્ટાફની ટીમો બનાવી તપાસ શરૂ કરી હતી.સીસીટીવી ફૂટેજ, ટેકનિકલ અને માનવીય સ્રોતોનો ઉપયોગ કરીને તપાસ હાથ ધરવામાં આવી હતી.પોલીસને મળેલી બાતમી મુજબ આરોપી જોલવા ગામ નજીક ટ્રક પાર્કિંગની આસપાસ છુપાયેલો હતો.પોલીસે આરોપી પરમેશ્વર રામપ્રવેશ દયાલને ઝડપી પાડ્યો હતો. જેણે પૂછપરછ દરમ્યાન મિત્રની હત્યા કરી હોવાની કબૂલાત કરી હતી.

Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is