આમોદ તાલુકાના સમની ગામે નહેરમાં ન્હાવા પડેલ પાંચ પૈકી એકનું મોત

આમોદ,

આમોદ તાલુકાના સમની ગામ પાસે આવેલી પાણીની મેઈન કેનલમાં યુવાન ડૂબી જતાં પોલીસે અક્સ્માત ગુનો નોંધી આગળની કાર્યવાહી હાથધરી હતી.

સૂત્રોના જણાવ્યા અનુસાર મૂળ બિહારના રહેવાસી અને ભરૂચમાં રહી છૂટક પાણીના માટલા વેચવાનો વેપાર કરતા મિત્રો જંબુસરથી પાણીના માટલાનો વેપાર કરીને ભરૂચ તરફ જતાં હતા.ત્યારે સમની ગામે આવેલી નહેરમાં પાંચ મિત્રો ન્હાવા માટે પડ્યા હતાં.જે નહેરના પાણીમાં સ્નાન કરતા પગ લપસતા પિંકુ સાહ ઉ.વ.૩૨ મૂળ રહે.મેતુરાપુર જી.શિવહર બિહાર નામનો વ્યક્તિ ડૂબવા લાગ્યો હતો.જેને બચાવવા જતા રણજીત સાહ નામનો વ્યક્તિ પણ ડૂબવા લાગ્યો હતો.જેને બીજા એક મિત્રએ હાથ ખેંચીને બચાવી લીધો હતો.પરંતુ પિંકુ સાહ નામનો મિત્ર પાણીની અંદર ગરકાવ થઈ ગયો હતો અને ડૂબી ગયો હતો.ત્યારે ભરૂચ નગરપાલિકાના ફાયર લશ્કરોએ આવી તેને નહેરના પાણી માંથી બહાર કાઢ્યો હતો અને તેને ૧૦૮ મારફતે આમોદ સામૂહિક આરોગ્ય કેન્દ્ર ખાતે લાવી પોસ્ટમોર્ટમ કરવામા આવ્યુ હતું.આમોદ પોલીસે અકસ્માત ગુનો નોંધી આગળની કાર્યવાહી હાથધરી હતી.

Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is