ત્રિપલ સવાર મિત્રોની બાઈક સ્લીપ થતાં ઈલેક્ટ્રીક થાંભલા સાથે ભટકાતાં અકસ્માતમાં એક યુવકનું મોત

– બાઈક ચાલક તથા અન્ય મિત્રને ઈજા થતાં સારવાર અપાઈ

આમોદ,

આમોદ તાલુકાના સોનામાં ગામના પાટીયા પાસે રાત્રીના સમયે વળાંક ઉપર બાઈક સ્લીપ ખાતાં ઈલેક્ટ્રિક થાંભલા સાથે ભટકાતા ત્રીપલ સવાર પૈકી એક યુવકનું માથાના ભાગે ગંભીર ઈજા થતાં મોત થયુ હતું.જ્યારે બાઈક ચાલક તેમજ અન્ય યુવકને ઈજાઓ થઈ હતી.આમોદ પોલીસે અકસ્માત ગુનો નોંધી આગળની કાર્યવાહી હાથધરી હતી.

આમોદના માંડવા ફળિયા ખાતે રહેતા ત્રણ મિત્રો રાહુલ રાઠોડ ઉ.વ.૨૧ સાગર રાઠોડ ઉ.વ.૨૨ તેમજ જગદીશ રાઠોડ ઉ.વ.૨૪ આમોદના મુકેશ લક્ષ્મણ રબારીની બાઈક લઈને રાત્રીના સમયે નીણમ ગામે લગ્ન પ્રસંગમા ગયા હતા અને લગ્ન પ્રસંગ પતાવીને આમોદ ઘરે પરત આવતા હતા ત્યારે રાત્રીના એક કલાકે સોનામાંથી નાહીયેર ગામ વચ્ચે મામાદેવની ડેરી પાસે બાઈક સ્લીપ થતાં બાઈક રોડની બાજુમા આવેલ ઈલેક્ટ્રીક થાભલા સાથે ભટકાઈ હતી અને બાઈકની પાછળ બેઠેલા રાહુલભાઈ રાઠોડને માથાના ભાગે ગંભીર ઇજા થઈ હતી અને જગદીશને મોઢાના ભાગે તથા ખભાના ભાગે ઈજા થઈ હતી અને બાઈક ચાલક સાગર રાઠોડને ખભા તેમજ પગે ઘૂંટણના ભાગે ઇજા થઇ હતી.જેથી ત્રણેયને ૧૦૮ એમ્બયુલન્સ મારફતે આમોદ સામુહીક આરોગ્ય કેન્દ્ર ખાતે લઈ જવામાં આવ્યા હતા.જ્યાં હાજર તબીબે તેને રાહુલ મેલાભાઈ રાઠોડને મૃત જાહેર કર્યો હતો.પોલીસે મૃતકનું પોસ્ટમોર્ટમ કરાવી પરિવારજનોને લાશ પરત કરી હતી.

આમોદ પોલીસ મથકે મૃતકના પિતા મેલાભાઈ નગીન રાઠોડે ફરિયાદ આપતા પોલીસે બાઈક ચાલક સામે અક્સ્માત ગુનો નોંધી આગળની કાર્યવાહી હાથ ધરી હતી.

 – એક અઠવાડિયામાં અકસ્માતના ત્રણ બનાવોમાં બે યુવકો સહિત આધેડનું મોત

આમોદ તાલુકામા અકસ્માતના બનાવો વધતા લોકો ચિંતા પ્રસરી જવા પામી હતી.આમોદ તાલુકાના આછોદ ગામ પાસે ત્રણ દિવસ પહેલા રાત્રીના સમયે ઈકો ગાડી અને બાઈક વચ્ચે અકસ્માત થતાં બાઈક ઉપર સવાર  સુરતનો યુવક મિલન અક્ષય પટેલનું મોત થયું હતું.બીજા દિવસે નાહિયેર ગામે લક્ઝરી બસ અને રીક્ષા વચ્ચે અકસ્માત થતાં આછોદના રીક્ષા ચાલક અહેમદ મહંમદ પટેલ ઉર્ફે બામિયાનું મોત થયું હતું.જ્યારે ગત રોજ મોટરબાઈક સોનામાં ગામના પાટિયા પાસે સ્લીપ થતાં ઈલેક્ટ્રીક થાંભલા સાથે ભટકાતાં આમોદના માંડવા ફળિયા ખાતે રહેતા એક ૨૧ વર્ષીય યુવક રાહુલ રાઠોડનું મોત થયુ હતું.આમ એક અઠવાડિયામાં અકસ્માતની ત્રણ ઘટનાઓમાં ત્રણ લોકોનાં મોત થતાં લોકોમાં ચિંતા પ્રસરી જવા પામી હતી.

Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is