– જગન્નાથજી સાથે સુભદ્રાજી અને બલરામજીના દિવ્ય સ્વરૂપના દર્શનથી ભક્તોમાં આસ્થાનો અનોખો માહોલ
– લીલોતરી બજાર યુવા કલબનો ગણપતિ મહોત્સવ બન્યો ભક્તિ, સંસ્કૃતિ અને એકતાનો સંગમ
ભરૂચ,
જંબુસર શહેરમાં ગણેશોત્સવની ભક્તિમય શરૂઆત વચ્ચે લીલોતરી બજાર યુવા કલબ દ્વારા બિરાજમાન કરાયેલા ગણપતિ બાપાનું અનોખું અને આકર્ષક સ્વરૂપ ભક્તોમાં વિશેષ આસ્થાનું કેન્દ્ર બન્યું છે.ગણપતિ બાપાના આ સ્વરૂપમાં ભગવાન જગન્નાથજીની ભાવનાત્મક અનુભૂતિ સાથે સુભદ્રાજી અને ભાઈ બલરામજીના દિવ્ય સ્વરૂપને પણ સાથે બિરાજમાન કરવામાં આવ્યા છે જેના કારણે સમગ્ર ગણપતિ મહોત્સવને આગવી ધાર્મિક અને સાંસ્કૃતિક ઓળખ મળી છે.
જગન્નાથજીના રૂપમાં ગણપતિ બાપાની ભવ્ય પ્રતિમા, સુંદર શણગાર, રંગબેરંગી વસ્ત્રો અને દિવ્ય મુખારવિંદ ભક્તોને આકર્ષી રહ્યા છે. સાથે જ સુભદ્રાજી અને બલરામજીના સ્વરૂપના દર્શન થતાં ગણેશભક્તિ અને જગન્નાથ પરંપરાનો અનોખો સંગમ અહીં જોવા મળી રહ્યો છે.
લીલોતરી બજાર યુવા કલબ દ્વારા દર વર્ષે ગણેશોત્સવને ભક્તિભાવ અને ઉત્સાહપૂર્વક ઉજવવામાં આવે છે. આ વર્ષે પણ ગણપતિ બાપાના આગમનથી સમગ્ર લીલોતરી બજાર ગણેશમય બની ગયું છે. દર્શનાર્થે આવતા શ્રદ્ધાળુઓ “ગણપતિ બાપ્પા મોરિયા”ના જયઘોષ સાથે જગન્નાથજીના રૂપમાં બાપાના દિવ્ય સ્વરૂપ તથા સુભદ્રાજી અને બલરામજીના દર્શન કરી ધન્યતા અનુભવી રહ્યા છે.
લીલોતરી બજાર ખાતે બિરાજમાન ગણપતિ બાપાનું આ સ્વરૂપ માત્ર એક ધાર્મિક પ્રતિમા નહીં, પરંતુ ભક્તિ અને સંસ્કૃતિની સુંદર અભિવ્યક્તિ બની રહ્યું છે.ગણપતિ બાપાના સ્વરૂપમાં જગન્નાથજીની ભાવનાત્મક અનુભૂતિ, તેમજ તેમની સાથે સુભદ્રાજી અને બલરામજીને સ્થાન આપવાથી ભક્તોમાં વિશેષ આધ્યાત્મિક ભાવ જોવા મળી રહ્યો છે.
આ અનોખી સ્થાપનાને નિહાળવા માટે જંબુસર શહેર તથા આસપાસના વિસ્તારોમાંથી પણ શ્રદ્ધાળુઓ ઉમટી રહ્યા છે.એક જ સ્થળે જગન્નાથજીના સ્વરૂપમાં ગણપતિ બાપા, સુભદ્રાજી અને બલરામજીના દર્શનનો આ અવસર ભક્તો માટે વિશેષ આસ્થાનો અનુભવ બની રહ્યો છે.
ગણપતિ મહોત્સવ દરમ્યાન લીલોતરી બજાર ખાતે ભક્તિનો માહોલ છવાયો છે.યુવાનોની સક્રિયતા, સુંદર સજાવટ, ભક્તિમય વાતાવરણ અને શ્રદ્ધાળુઓની ઉપસ્થિતિથી સમગ્ર વિસ્તાર ઉત્સવમય બની ગયો છે.લીલોતરી બજાર યુવા કલબનો આ ગણપતિ મહોત્સવ જંબુસરની ધાર્મિક પરંપરા, યુવા શક્તિ, સામાજિક એકતા અને વિવિધ ધાર્મિક આસ્થાઓના સુમેળનું સુંદર પ્રતિબિંબ બની રહ્યો છે.
