– ધારાસભ્ય ડી.કે.સ્વામી ઈ – રીક્ષાને કુમકુમ તિલક કરી ગામના સરપંચોને અર્પણ કરી
ભરૂચ,
આમોદ તાલુકા પંચાયત ખાતે તાલુકાના ગામોમાં સ્વચ્છતા અભિયાનને વેગ આપવા માટે છ ગામોમાં ધારાસભ્ય ડી.કે.સ્વામીના હસ્તે ઈ – રીક્ષા અર્પણ કરવામાં આવી હતી.જિલ્લા ગ્રામ વિકાસ એજન્સી ભરૂચ દ્વારા નિર્મળ ગુજરાતના લક્ષ્યને સાકાર કરવા તેમજ રોગચાળાને દૂર રાખવા સ્વચ્છ મિશનને પાર પાડવા આમોદ તાલુકાના ૬ ગામો આછોદ, માતર, અણોર, બુવા, કેરવાડા, નાહિયેર ઈ – રીક્ષા અર્પણ કરવામાં આવી હતી.જેનાથી સૂકો અને ભીનો કચરો અલગ-અલગ કરવામાં આવશે.
આ પ્રસંગે તાલુકા વિકાસ અધિકારી નરેશ લાડુમોર, પંચાયતના અધિકારીઓ, તાલુકા ભાજપ પ્રમુખ દીપક ચૌહાણ,જિલ્લા ગ્રામ વિકાસ એજન્સીના પ્રતિનિધિઓ તેમજ વિવિઘ ગામો માંથી આવેલા સરપંચ સ્થાનિક આગેવાનો મોટી સંખ્યામાં હાજર રહ્યા હતા.
