ભરૂચ,
SRF ફાઉન્ડેશન દ્વારા ICDS શાખા જિલ્લા પંચાયત ભરૂચના સહયોગથી નવજીવન વિદ્યાલય કેમ્પસ ખાતે “આંગણવાડી મેળો ૨૦૨૫”નું સફળતાપૂર્વક આયોજન કરવામાં આવ્યું. આ કાર્યક્રમમાં ભરૂચ, વાગરા અને નેત્રંગના ICDS અધિકારીઓ, આંગણવાડી કાર્યકરો, માતાઓ અને બાળકો સહિત કુલ 165 સહભાગીઓએ આ કાર્યક્રમમાં ઉત્સાહપૂર્વક હાજરી આપી હતી.
આ કાર્યક્રમનો ઉદ્દેશ્ય શૈક્ષણિક, સાંસ્કૃતિક અને સમુદાય-આધારિત પ્રવૃત્તિઓ દ્વારા આંગણવાડી કાર્યકરોની કુશળતા અને નવીનતાઓ પ્રદર્શિત કરવા તથા બાળપણની સંભાળ, શિક્ષણ, પોષણ અને આરોગ્ય પ્રથાઓને આંગણવાડી કાર્યકરો અને સહાયકોમાં ક્રોસ લર્નિંગને પ્રોત્સાહન આપી કાર્યક્ષમતા વધારવાનો હતો.
આ કાર્યક્રમમાં મુખ્ય મહેમાન તરીકે ભરતભાઈ એમ. સલાટ (શિક્ષણ નિરીક્ષક, ભરૂચ) અને અતિથિ વિશેષ શ્રી દિનેશભાઈ પંડ્યા, કાશ્મીરાબેન સાવંત, ડૉ. જતીન એચ.મોદી, પ્રભુભાઈ પટેલ, રાજેશકુમાર પી.તડવી અને SRF પ્લાન્ટ, દહેજના પ્રતિનિધિઓ – કિરણભાઈ પટેલ, પંકજભાઈ પરમાર અને ભાવેશ ગોહિલ તથા SRF Foundation માંથી પ્રગતિબેન ગોએલ – ADP ઓફિસર, હેડ ઓફિસ, દિલ્હી કુસુમ રાહી – શૈક્ષણિક વિભાગ, મુખ્ય કાર્યાલય, દિલ્હી. ઉપસ્થિત રહ્યા હતા.સાથે કાર્યક્રમમાં ICDSના વરિષ્ઠ અધિકારીઓ અને CDPO રીટાબેન ગઢવી (વાગરા), સરોજબેન પ્રજાપતિ, પૂજાબેન ભાટિયા અને ઉર્મિલાબેન વસાવા તેમજ બ્લોકના સુપરવાઈઝર પણ જોડાયા હતા.
આ કાર્યક્રમમાં શિક્ષણ, આરોગ્ય અને પોષણ પર ૧૬ થીમ આધારિત સ્ટોલ્સ પર સર્જનાત્મક પ્રદર્શન રજૂ કરવામાં આવ્યા હતા.જેમાં મુખ્ય 5 સ્ટોલને પુરસ્કાર આપવામાં આવ્યા હતા.આંગણવાડીનાં બાળકોએ શૈક્ષણિક અને સાંસ્કૃતિક થીમ પર પ્રદર્શન કર્યું હતું. આંગણવાડી કાર્યકરો માટે સંગીત ખુરશી, સિક્કા શોધ અને લીંબુ ચમચી દોડ જેવી મનોરંજક પ્રવૃત્તિઓનું આયોજન કરવામાં આવ્યું હતું, જેમાં 9 વિજેતા બહેનોને ઈનામ આપવામાં આવ્યા હતા. સાંસ્કૃતિક કાર્યક્રમોમાં નાટકો, આદિવાસી નૃત્યો અને આંગણવાડી કાર્યકરો અને ICDS સ્ટાફ દ્વારા નુક્કડ નાટકોનો સમાવેશ થતો હતો. સાંસ્કૃતિક તથા શૈક્ષણિક કાર્યક્રમોમાં ભાગ લેનાર તમામને પ્રોત્સાહિત ઈનામ વિતરણ કરવામાં આવ્યા હતા. શ્રેષ્ઠ આંગણવાડી કાર્યકરો, હેલ્પર બહેનો, સુપરવાઈઝર, CDPO અને રમત વિજેતાઓ સહિત વિવિધ શ્રેણીઓમાં ઈનામોનું વિતરણ કરવામાં આવ્યું હતું.કાર્યક્રમમાં ભરતભાઈ એમ.સલાટ (મુખ્ય મહેમાન) દ્વારા શૈક્ષણિક નવીનતા અને સામાજિક પરિવર્તનમાં ફાઉન્ડેશનની મુખ્ય ભૂમિકા પર પ્રકાશ પાડ્યો અને પ્રેરણાદાયી, મૂલ્ય-આધારિત અભિગમની પ્રશંસા કરી, શૈક્ષણિક તથા વ્યાવહારિક વ્યાખ્યાન આપ્યું હતું.કાશ્મીરાબેન સાવંત (આઈસીડીએસ અધિકારી) એ ભરૂચ, વાગરા અને નેત્રંગમાં ૮૯ આંગણવાડીઓમાં તેના અસાધારણ કાર્ય માટે એસઆરએફ ફાઉન્ડેશનનો હૃદયપૂર્વક આભાર માન્યો. તેમણે મોડેલ આંગણવાડીઓ વિકસાવવામાં ફાઉન્ડેશનના પ્રયાસોની પ્રશંસા કરી અને સતત સહયોગની આશા રાખી. દિનેશભાઈ પંડયાએ પૂર્વ-પ્રાથમિક શિક્ષણનું મહત્વ સમજાવી કાર્યક્રમને ખુલ્લો મૂક્યો હતો. પ્રભુભાઈ પટેલે એસઆરએફ ફાઉન્ડેશનના સમુદાય વિકાસ પ્રયાસો, જાગૃતિ કાર્યક્રમો અને સામાજિક પરિવર્તનમાં તેના યોગદાન પર પ્રેરક ભાષણ આપ્યું હતું. કેળવણીકાર અને મૂલ્યાંકનકાર તરીકેની નામના મેળવનાર ડૉ. જતીન એચ. મોદી સાહેબ, (લેક્ચરર, ડાયટ ભરૂચ) જેઓએ પોતાના વક્તવ્યમાં દરેક સ્ટોલનાં મૂલ્યાંકન વિશે પોતાના મંતવ્યો, શૈક્ષણિક TLM, સ્વાસ્થ્ય – સ્વચ્છતા અને પોષણ અંગે સૂચનો રજૂ કરી, વિજેતા થનાર મુખ્ય ૫ સ્ટોલના નંબર જાહેર કર્યા હતા. 
અંતે ૮૯ આંગણવાડી કાર્યકરોને SRF ફાઉન્ડેશન દ્વારા પ્રોત્સાહિત ઈનામ આપવામાં આવ્યા હતા.ભાવેશ ગોહિલ દ્વારા આભારવિધિ સાથે કાર્યક્રમનું સમાપન થયું. કાર્યક્રમ સકારાત્મક, પ્રેરણાદાયક અને પ્રભાવશાળી નોંધ સાથે સમાપ્ત થયો, જેમાં આંગણવાડી મેળો ૨૦૨૫ને ખૂબ જ સફળ અને હેતુપૂર્ણ પહેલ તરીકે ચિહ્નિત કરવામાં આવ્યો હતો.
આંગણવાડી મેળો ૨૦૨૫ એ આંગણવાડી કાર્યકરોના સમર્પણ અને સર્જનાત્મકતાની ઉજવણી કરવા અને બાળ વિકાસમાં સમુદાય જોડાણને મજબૂત બનાવવા માટે એક પ્લેટફોર્મ તરીકે સેવા આપી.આ કાર્યક્રમ SRF ફાઉન્ડેશન અને ICDS ના સંયુક્ત પ્રયાસોને પ્રતિબિંબિત કરે છે, જેમાં ભાગીદારી, સશક્તિકરણ અને સતત શિક્ષણની ભાવના પર ભાર મૂકવામાં આવે છે.
