– જીઆઈડીસી પોલીસે રૂ 10.19 લાખની કિંમતનો ગાંજાનો જથ્થો જપ્ત કરી એક ઈસમને વોન્ટેડ જાહેર કર્યો
ભરૂચ,
અંકલેશ્વરના સારંગપુર વિસ્તારમાં આવેલ ઓમનગરમાં એક મકાનમાંથી જીઆઈડીસી પોલીસે રૂપિયા 10 લાખથી વધુ ની કિંમતનો ગાંજાના જથ્થા સાથે એક મહિલા આરોપીની ધરપકડ કરી છે અને એક ઈસમને વોન્ટેડ જાહેર કરી વધુ તપાસ હાથધરી છે.
અંકલેશ્વરમાં નશાના કાળા કારોબાર સામે મોટી કાર્યવાહી કરવામાં આવી છે.અંકલેશ્વર જીઆઈડીસી પોલીસની ટીમને મળેલી માહિતીના આધારે સારંગપુર વિસ્તારના મીરાનગર નજીક આવેલા ઓમનગરમાં એક મકાનમાં દરોડા પાડ્યા હતા.પોલીસના દરોડા દરમ્યાન મકાન માંથી 10 લાખ 19 હજારની કિંમતનો 20 કિલો ગાંજાનો જથ્થો જપ્ત કર્યો હતો.તપાસમાં બહાર આવ્યું હતું કે મકાનમાં ગાંજાની નાની-નાની પડીકીઓ બનાવી છૂટક વેચાણ કરવામાં આવતું હતું.આ મામલે ગાંજાનો વેપાર ચલાવતી મૂળ બિહારની મહિલા જ્યોતિ મંડલની ધરપકડ કરવામાં આવી છે.પ્રાથમિક તપાસમાં સામે આવ્યું છે કે ગાંજાનો જથ્થો મૂળ બિહારના મિથુન મંડલ દ્વારા મોકલવામાં આવતો હતો.હાલ મિથુન મંડલ ફરાર છે અને પોલીસે તેને વોન્ટેડ જાહેર કર્યો છે અને સમગ્ર નેટવર્ક સુધી પહોંચવા માટે વધુ તપાસ શરૂ કરી છે.મહિલા આરોપીની ધરપકડ કરી છે અને એક ઈસમને વોન્ટેડ જાહેર કરી વધુ તપાસ હાથધરી છે.
