ભરૂચ,
ભરૂચ જિલ્લામાં ખંભાતના અખાતના કિનારે વસતા આદિવાસી માછીમારો કરચલા અને માછલીઓના સંગ્રહ માટે દરિયાકાંઠાના મેન્ગ્રોવ વાવેતર પર આધાર રાખે છે. દરિયાકાંઠે આવેલા મેન્ગ્રોવ વાવેતર કરચલા અને માછલીની ઘણી પ્રજાતિઓને આદર્શ સંવર્ધન અને આશ્રયસ્થાન પૂરું પાડે છે,જે સીમાંત માછીમારો માટે આજીવિકાનો મુખ્ય સ્ત્રોત છે.આ માછીમારો દરિયાકાંઠાની જૈવવિવિધતા વિશેની માહિતીનો ભંડાર છે, જે કાદવવાળા વિસ્તારોમાં અગમ્ય પરિસ્થિતિઓને કારણે અવગણવામાં આવે છે.
દીપક ગ્રુપના “Responsible chemistry” ના ઉદ્દેશ્ય સાથે સંરેખિત,દીપક ફાઉન્ડેશને દીપક ફેનોલિક લિમિટેડના સમર્થન સાથે ભરૂચ જિલ્લાના વાગરા તાલુકામાં 100 એકર દરિયા કાંઠાના વિસ્તારમાં મેન્ગ્રોવ વાવેતર હાથધર્યું છે.વાવેતર ઉપરાંત અમે ગ્રામજનોના જ્ઞાનનો ઉપયોગ કરીને વાગરા તાલુકાના દરિયાકાંઠાના જૈવવિવિધતાનું દસ્તાવેજીકરણ કરી રહ્યા છીએ,જ્યાં આ માછીમારો તેમને મળતી વિવિધ દરિયાકાંઠાની જૈવવિવિધતા વિશે માહિતી પૂરી પાડે છે.અમે “સાગર ખેડુ” તરીકે ઓળખાતા 23 દરિયાકાંઠાના ગામ સ્વયંસેવકોનું નેટવર્ક બનાવ્યું છે.
છેલ્લા એક વર્ષમાં, દેશના આ પ્રથમ દરિયાકાંઠાના સ્વયંસેવકોના નેટવર્કે 75 પ્રજાતિઓનું દસ્તાવેજીકરણ કર્યું છે જેમાં 6 પ્રજાતિઓ શામેલ છે જે IUCN રેડ લિસ્ટ શ્રેણીઓ હેઠળ સૂચિબદ્ધ છે.
આ સ્વયંસેવકો ફક્ત જૈવવિવિધતાનું દસ્તાવેજીકરણ કરી રહ્યા નથી પરંતુ તેઓ દરિયાકાંઠે માછીમારીની જાળમાં ફસાયેલા અસંખ્ય પક્ષીઓના તારણહારની ભૂમિકા પણ ભજવી રહ્યા છે.સાગર ખેડુના પાંચ સ્વયંસેવકોએ માછીમારીની જાળ માંથી 11 પક્ષીઓને બચાવ્યા અને મુક્ત કર્યા છે.તેમના અવિરત પ્રયાસો બદલ પ્રશંસાના પ્રતીક તરીકે, દીપક ફાઉન્ડેશન, દીપક ફેનોલિક લિમિટેડ અને ભરૂચ વન વિભાગે મળીને કુદરતી વિજ્ઞાનમાં અને આપણા સહ-રહેવાસીઓના જીવન બચાવવામાં અનુકરણીય યોગદાન આપનારા આઠ વ્યક્તિઓ સન્માન કર્યું છે.
ભરૂચ ટેરિટોરિયલ ફોરેસ્ટ ડિવિઝનના ACF હિતેશ જાદવ,ભરૂચ ટેરિટોરિયલ ફોરેસ્ટ ડિવિઝનના RFO વસાવા,GM કોર્પોરેટ અફેર્સ DNLના નિર્મલસિંહ યાદવ, DPL દહેજના GM પ્રોડક્શનના રણજીત કુમાર અને DPL દહેજના GM પર્યાવરણ DPL દહેજના સંતોષ પાંડે અને દીપક ફાઉન્ડેશનના અનિલ કુમાર દ્વારા પ્રશંસાપત્રઓ આપવામાં આવ્યા હતા.
