આમોદ,
આમોદમાં આમલી ફળીયા આવેલી હજરત સિત્તરશાહ પીરની દરગાહ શરીફ ખાતે આજ રોજ અકિદત મંદોની હાજરીમાં સંદલ શરીફ તેમજ ઉર્સ શરીફની શાનદાર ઉજવણી કરવામાં આવી હતી. ઉર્સ નિમિત્તે દરગાહની સાફસફાઈ કરવામાં આવી હતી.તેમજ દરગાહ શરીફને રોશનીનો શણગાર કરવામાં આવ્યો હતો.આમોદના વાવડી ફળીયામાં આવેલ મોટાપીરની ગાદી શરીફ ખાતેથી મોટાપીરની નિશાન સાથે નાત શરીફના પઠન સાથે સંદલ શરીફનું ભવ્ય ઝુલુસ નીકળ્યું હતું.જેમાં મોટી સંખ્યામાં લોકો સંદલ શરીફના ઝુલુસમાં સામેલ થયા હતા. દરગાહ શરીફના મઝાર શરીફ ઉપર સંદલ ચઢાવી ફાતેહા ખ્વાની અને સલાતો સલામનું પઠન કરવામાં આવ્યું હતું.તેમજ અમન અને સુકૂન માટેની વિશેષ દુઆઓ પણ ગુજારવામાં આવી હતી. અત્રે ઉલ્લેખનીય છે કે દર વર્ષે કોમી એખલાસ ભર્યા વાતાવરણમાં ઉર્સ મનાવવામાં આવે છે.જેમાં દરેક ધર્મના લોકો ઉર્ષમાં સામેલ થાય છે.અકીદતમંદોના સંયુક્ત સહયોગથી સંદલ શરીફ બાદ દરગાહના પટાંગણમાં નીયાઝનું પણ સુંદર આયોજન કરવામાં આવ્યું હતું.દરગાહ શરીફ ખાતે મોટી સંખ્યામા લોકોએ ફૂલ ચાદર અર્પણ કરી ધન્યતા અનુભવી હતી.

Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is