– નર્મદા જીલ્લો અને ગુજરાતનું નામ રાષ્ટ્રીયકક્ષાએ રોશન કર્યું : હવે આગળ દેશ માટે રમવા તૈયાર : ૨૦૩૬ માં ભારતમાં રમાનાર ઓલોમ્પીક માટે શરૂ કરી તૈયારી
(જ્યોતિ જગતાપ,રાજપીપલા)
રાજપીપળાના સામાન્ય પરિવાર માંથી આવેલી રીક્ષાચાલકની આદિવાસી સમાજની દીકરી પ્રીતિ મહેશ વસાવાએ જીમ્નાસ્ટીકસમાં રાષ્ટ્રીયકક્ષાએ બ્રોન્ઝ મેડલ મેળવી આદિવાસી સમાજ, નર્મદા જીલ્લો અને ગુજરાતનું નામ રાષ્ટ્રીય કક્ષાએ રોશન કર્યું છે.હવે ૨૦૩૬ ની ઓલોમ્પિક માટે તૈયારી પ્રીતિ કરી રહી છે.
રીક્ષા ચલાવતા પિતા અને ઘરમાં નાનકડી દુકાન ચલાવતી માતાએ દીકરીને ભણાવી, જિમનાસ્ટીક ટ્રેંમ્પોલીનમાં તૈયાર કરી હતી.ટ્રેંમ્પોલનની પ્રેકટીશ કરવા પૂરતા સાધનો ન હોવાથી રાજપીપલાની વ્યાયામ શાળામાં દાખલથઈ પ્રીતિ વસાવા રાજપીપળા ખાતે ગુજરાત વ્યાયામ પ્રચારક મંડળ સંચાલિત પુરાણી વ્યાયામ શાળામાં કોચ ગૌરીશંકર દવે તથા તેજસ દિલીપચંદ્ર પટેલ પાસેથી જીમ્નાસ્ટીકસની ટ્રેનિંગ મેળવી પોતાની કારકિર્દી બનાવી રહી છે.
ઉત્તરાખંડના દહેરાદૂન ખાતે ઈન્ડિયન ઓલિમ્પિક એસોસિએશન ઉત્તરાખંડ સરકાર તથા ભારત સરકારના યુવા કાર્યક્રમ અને ખેલ મંત્રાલય દ્વારા આયોજિત ૩૮ મી રાષ્ટ્રીય ખેલ સ્પર્ધા ૨૮ જાન્યુઆરી ૨૦૨૫ થી ૧૪ ફેબ્રુઆરી ૨૦૨૫ દરમ્યાનન યોજાઈ હતી.જેમાં અલગ અલગ ૩૫ રમતો માટે દેશના તમામ રાજ્યના સ્પર્ધકોએ ભાગ લીધી હતો.એ પૈકી ગુજરાત માંથી ૩૦ થી વધુ સ્પર્ધક.હતો.જેમાં નર્મદા જીલ્લાની ૧૮ વર્ષીય પ્રીતિ મહેશ વસાવાએ જીમ્નાસ્ટીકસની ટ્રેમ્પોલિન ઈવેન્ટમાં બ્રોન્ઝ મેડલ મેળવ્યો હતો.આ સ્પર્ધામાં ૨ રાઉન્ડ રમાયા હતા.પ્રથમ ક્વોલિફાઈ રાઉન્ડમાં પ્રીતિ વસાવા ૭ માં ક્રમે આવી હતી અને ફાઈનલ રાઉન્ડમાં ૮ ખેલાડીઓ વચ્ચે પ્રીતિએ સારુંપ્રદર્શન બતાવી બ્રોન્ઝ મેડલ મેળવ્યો હતો.
પ્રીતિ વસાવા રાષ્ટ્રીય કક્ષાએ બ્રોન્ઝ મેડલ મેળવીને રાજપીપલા પરત આવતા ઘરે તેના માતા પિતાએ આરતી ઉતારી ફૂલોથી સ્વાગત કર્યું હતું.
પિતાની રીક્ષામાં જ બેસીને રાજપીપળા ખાતે હરસિધ્ધિ માતાના મંદીરે પ્રીતિ વસાવાનું ભવ્ય સ્વાગત કરવામાં આવ્યું હતું.જેમાં બન્ને કોચ, ડિગ્રી કોલેજના પૂર્વ પ્રિન્સિપાલ ડૉ.રાજુ વસાવા સહીત વ્યાયામ શાળા પરિવાર અને શુભેચ્છકો દ્વારા તેનું સન્માન કરાયું હતું.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
