– અવિધા ખાતેની સ્વ.મોતી શંકર પટેલ ફિઝિયોથેરાપી અને રિહેબ હોસ્પિટલ ખાતે અંકલેશ્વર ઈન્ડસ્ટ્રીયલ પ્રમુખના હસ્તે મશીનનું ઉદ્ઘાટન થયું
(જ્યશીલ પટેલ,ઝઘડીયા)
ઝઘડિયા તાલુકાના અવિધા ગામ ખાતે આજથી ૬૦ વર્ષ પહેલા આરોગ્ય વર્ધક મંડળ અવિધા દ્વારા સ્વ.મોતી શંકર પટેલ હોસ્પિટલનો પ્રારંભ કરવામાં આવ્યો હતો.દિવસે દુ હાલના સમયમાં અકસ્માતોથી લઈ અન્ય રોગોની સંખ્યામાં પણ વધારો થતાં આરોગ્ય વર્ધક મંડળ દ્વારા તેમની હોસ્પિટલમાં વિવિધ અધતન સુવિધાઓ સમયાંતરે ઊભી કરવામાં આવી રહી છે.આજરોજ આરોગ્ય વર્ધક મંડળ અવિધા સંચાલિત સ્વ.મોતી શંકર પટેલ ફિઝિયોથેરાપી અને રિહેબ હોસ્પિટલ ખાતે અંકલેશ્વર ઈન્ડસ્ટ્રીઝ એસોસિએશનના પ્રમુખ હિંમત શેલડીયાના હસ્તે ડિજિટલ એક્સ-રે મશીનનું ઉદ્ઘાટન કરવામાં આવ્યું હતું.આ સાથે સાથે સંસ્થાના સ્થાપક અને સેવાભાવી મહાનુભાવોનો સન્માન સમારંભ પણ રાખવામાં આવ્યો હતો.સંસ્થાના ૯૮ વર્ષીય કાંતિ લલ્લુ પટેલ પણ વડોદરાથી અવિધા આવી ખાસ ઉપસ્થિત રહ્યા હતા.સંસ્થાના પ્રમુખ કિરીટ બી પટેલ દ્વારા સંસ્થાના ૬૦ વર્ષના ઉતાર ચઢાવોથી ઉપસ્થિત સૌને વાકેફ કર્યા હતા અને તેમના દ્વારા લક્ષમાં લેવાયેલ મહિલાઓ,યુવાનો માટેની વિવિધ યોજનાઓ આવનારા સમયમાં આવિધા ગામ ખાતે ઊભી કરવામાં સૌના સહકારની અપેક્ષા વ્યક્ત કરી હતી.આ પ્રસંગે આવિધા ગામના વડોદરા અમદાવાદ ભરૂચ ખાતે રહેતા આગેવાનો ગ્રામજનો ખાસ ઉપસ્થિત રહ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
