– જિલ્લા કાનુની સેવા સત્તા મંડળ, ભરૂચ અને ગુજરાત યોગ બોર્ડ, ભરૂચના સંયુક્ત ઉપક્રમે કાર્યક્રમનું આયોજન
ભરૂચ,
નામદાર ગુજરાત હાઈકોર્ટ તથા નામદાર ગુજરાત રાજય કાનુની સેવા સત્તા મંડળ, અમદાવાદના આદેશ તથા માનનીય અધ્યક્ષ, જિલ્લા
કાનુની સેવા સત્તા મંડળ, ભરૂચના માર્ગદર્શન પેઠળ જિલ્લા ન્યાયાલય પરીસર,ભરૂચ સહિત ભરૂચ જિલ્લાના તાલુકા મથકો ખાતે કાર્યરત ન્યાય મંદિરો ખાતે આંતરાષ્ટ્રીય યોગ દિવસની ઉજવણીના ભાગરૂપે યોગ કાર્યક્રમ યોજવામાં આવ્યો હતો.
ભરૂચ જિલ્લા ન્યાયાલયના પટાંગણમાં મુખ્ય જિલ્લા ન્યાયાધીશ અને જિલ્લા કાનુની સેવા સત્તા મંડળ, ભરૂચના ચેરમેન આર.કે.દેસાઈના વડપણ હેઠળ યોજાયેલ આ કાર્યક્રમમાં અધિક જિલ્લા ન્યાયાધીશો સહિત ભરૂચ મુખ્ય મથકના તમામ ન્યાયાધીશો, જિલ્લા કાનુની સેવા સત્તા મંડળ, ભરૂચના સેક્રેટરી પી.પી.મોકાશી,જિલ્લા ન્યાયાલય ખાતે ફરજ બજાવતા કર્મચારીઓ,ભરૂચ જિલ્લા વકીલ બાર એસોશીએશનના પ્રમુખ પી.એ.સિંધા તથા સાથી વકીલો, જિલ્લા સરકારી વકીલ પી.બી.પંડયા,સરકારી વકીલો, ડીફેન્સ કાઉન્સેલો વગેરે યોગ કાર્યક્રમમાં સહભાગી થયા હતા.
જિલ્લા કાનુની સેવા સત્તા મંડળ, ભરૂચના માનનીય અધ્યક્ષ અને સેક્રેટરી દ્વારા સમગ્ર કાર્યક્રમને સફળ બનાવવા સહયોગ આપવા બદલ ગુજરાત યોગ બોર્ડ,ભરૂચના યોગ ટ્રેઈનર અમરદીપ કુમાર તથા વિનાબેન મોદી સહીત ઉપસ્થીત રહ્યા હતા.તેમ જિલ્લા કાનુની સેવા સત્તા મંડળ, ભરૂચ દ્વારા મળેલી એક અખબારી યાદીમાં જણાવાયું હતું.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
