ભરૂચ,
હિન્ડાલ્કો ઈ – વેસ્ટ અને સેકન્ડરી કોપર રિસાયક્લિંગ યુનિટ, પખાજન દ્વારા કોર્પોરેટ એન્વાયર્નમેન્ટ રિસ્પોન્સિબિલિટી (CER) પહેલ અંતર્ગત તારીખ 01/04/2026 ના રોજ પખાજણ ગામેથી “સ્વાસ્થ્ય વાહિની” મોબાઈલ હેલ્થ યુનિટ (MHU)નો શુભ પ્રારંભ કરવામાં આવ્યો હતો.
આ મોબાઈલ હેલ્થ યુનિટ નજીકના કુલ 12 ગામોમાં આરોગ્ય સેવાઓ પહોંચાડશે.જેના દ્વારા આસપાસના ગ્રામ્ય વિસ્તારોના લોકો માટે મફત તબીબી સલાહ, આરોગ્ય તપાસ,આવશ્યક દવાઓ અને આરોગ્ય જાગૃતિ જેવી સેવાઓ ઉપલબ્ધ કરાવવામાં આવશે.
કાર્યક્રમની શરૂઆત પખાજન પ્રાથમિક શાળાની વિદ્યાર્થિનીઓ દ્વારા નવા વાહન માટે પરંપરાગત પૂજા વિધિથી કરવામાં આવી.ત્યાર બાદ વાગરા તાલુકાના આરોગ્ય અધિકારી ડૉ.પ્રવીણ કુમાર સિંહ દ્વારા નારિયેળ વધેરવામાં આવ્યું.ઉદ્ઘાટન કાર્યક્રમ તાલુકા આરોગ્ય અધિકારી,ગામના સરપંચો, ગ્રામ પંચાયતના સભ્યો તેમજ હિન્ડાલ્કોના વરિષ્ઠ અધિકારીઓ દ્વારા સંયુક્ત રીતે રિબન કાપી અને લીલી ઝંડી બતાવીને કરવામાં આવ્યુ હતું.જે આ વિસ્તારમાં મોબાઇલ આરોગ્ય સેવાઓની સત્તાવાર શરૂઆતનો સંકેત આપે છે.
કાર્યક્રમમાં ડૉ.પ્રવીણ કુમાર સિંહ (તાલુકા આરોગ્ય અધિકારી – વાગરા),બાબુ યાદવ (સભ્ય, ગ્રામ પંચાયત – પખાજન), પરેશભાઈ (સરપંચ – નાંદીડા), પ્રવિણસિંહ (ઉપસરપંચ – નાંદીડા) અને નરેન્દ્રસિંહ સોલંકી (સરપંચ – આખોડ) સહિત સરકારી તથા ગ્રામ્ય પ્રતિનિધિઓ ઉપસ્થિત રહ્યા હતા.
હિન્ડાલ્કોના વરિષ્ઠ નેતૃત્વમાં વિકાસ શર્મા (એચઆર હેડ), જીવણ કુમાર અગ્રવાલ (સ્ટોર્સ હેડ), દિવ્યા પંડ્યા (ટેકનિકલ હેડ), રાઘવ પુરોહિત (પીઆર હેડ – કોપર ક્લસ્ટર) અને મૌલિક પરમાર (સીએસઆર હેડ – દહેજ અને પખાજન યુનિટ્સ) ઉપસ્થિત રહ્યા હતા.
આ પહેલ દ્વારા હિન્ડાલ્કોએ ગ્રામ્ય વિસ્તારોમાં આરોગ્ય સેવાઓ વધુ સુલભ બનાવવા માટે મહત્વપૂર્ણ પગલું ભર્યું છે, જે સ્થાનિક સમુદાયના આરોગ્ય અને કલ્યાણ માટે અત્યંત ઉપયોગી સાબિત થશે.
