– બે દિવસ ચાલનારા આ ખેલ મહાકુંભના પ્રથમ દિવસે દોડ,ભાલાફેંક, ચક્રફેંક, ગોળાફેંકની રમતોમાં દિવ્યાંગોએ ઉત્સાહ ભેર ભાગ લીધો
(જ્યોતિ જગતાપ,રાજપીપલા)
રાજપીપલા ખાતે નર્મદા જિલ્લા કક્ષાનો દિવ્યાંગ રમતવીરો માટેનો ખાસ ખેલ મહાકુંભ યોજાયો હતો. જેમાં બે દિવસ ચાલનારા આ ખેલ મહાકુંભના પ્રથમ દિવસે દોડ,ભાલાફેંક, ચક્રફેંક, ગોળાફેંકની રમતોમાં દિવ્યાંગોએ ઉત્સાહ ભેર ભાગ લીધો હતો.
રાજ્ય સરકારના રમત-ગમત, યુવા અને સાંસ્કૃતિક પ્રવૃત્તિઓ વિભાગ હેઠળની સ્પોર્ટ્સ ઓથોરીટી ઓફ ગુજરાત, ગાંધીનગર દ્વારા આયોજિત અને જિલ્લા રમત પ્રશિક્ષણ કેન્દ્ર, નર્મદા દ્વારા સંચાલિત દિવ્યાંગ ખેલાડીઓ માટે એમ બે દિવસય ચાલનારા આ ખાસ ખેલ મહાકુંભમાં ૧૨મી એ જિલ્લાકક્ષાની OH (શારીરિક ક્ષતિગ્રસ્ત) સ્પર્ધાઓ અને તા.૧૩મી એ માનસિક ક્ષતિગ્રસ્ત (MR), અંધજન અને શ્રવણ મંદ ભાઈઓ-બહેનો માટેની સ્પર્ધાઓ જિલ્લા રમત સંકુલ (ધાબા ગ્રાઉન્ડ), રાજપીપલા ખાતે યોજાઈ રહી છે.
જેમાં જિલ્લા કોચ વિષ્ણુભાઈ વસાવા નવદુર્ગા હાઈસ્કૂલના પ્રિન્સિપાલ રીનાબેન પંડ્યા ,રમતગમત સેલના પ્રદેશ સંયોજક ભુપતભાઈ વસાવા, ખેલ મહાકુંભના રાજ્ય કક્ષાની ભાલાફેંક સ્પર્ધાના ગોલ્ડમેડલ વિજેતા અને વિજ્ઞાન લેખક અને સાહિત્યકાર દીપક જગતાપ તથા વિજયભાઈ બામણીયા સંયોજક વિકલાંગ વિકાસ ટ્રસ્ટ, નર્મદા ખાસ ઉપસ્થિત રહ્યા હતા.
આ પ્રસંગે મંચસ્થ મહેમાનો જિલ્લા કોચ વિષ્ણુભાઈ વસાવા, રીનાબેન પંડયા અને દીપક ભાઈ જગતાપે જણાવ્યું હતું કે આ ખાસ ખેલ મહાકુંભમાં ૨૫૦ થી વધુ ખેલાડીઓ ભાગ લઈ રહ્યા છે.નર્મદાના ખેલાડીઓ રાજ્ય અને રાષ્ટ્ર કક્ષાએ પસંદગી પામી નર્મદાનું નામ રોશન કરે, ઉત્કૃષ્ઠ દેખાવ માટે ખેલાડીઓને સારી તાલીમ અને માર્ગદર્શન મળે અને નર્મદાનું નામ રોશન કરે એવી શુભેચ્છા પાઠવી હતી.આજે આ ખાસ ખેલ મહાકુંભના પ્રથમ દિવસે દોડ,ભાલાફેંક,ચક્રફેંક, ગોળાફેંકની રમતોમાં દિવ્યાંગોએ ઉત્સાહ ભેર ભાગ લીધો હતો.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
