– ગુરુની પરંપરા અને આપણાં સપ્રંદાયના નિયમો આજ્ઞાને નિભાવી અને સમાજમાં વધુને વધુ ધર્મનો પ્રચાર કરવાનો તેમજ ધર્મની રક્ષા માટે તૈયાર રહી સતકાર્ય કરવાનો સંદેશ આપતા અર્જુન મહારાજ
નેત્રંગ,
નેત્રંગ તાલુકાના ચિકલોટાધામમાં રામાનંદ સંપ્રદાય, સત્ય સનાતન ધર્મના સાધુ, સંતો, મંહતો અને બ્રહ્મનિષ્ઠ અને ક્ષોત્રિય સતગુરુ અવિચલદાસ બાપુનાં સુપુત્ર અર્જુન મહારાજનાં હસ્તે વિક્ર્મ સંવત ૨૦૮૧ નાં ચૈત્ર સુદ ના શુભ અવસરે દેવ યજ્ઞ,ભોજન,ભજન અને સંત્સગ કરીને સાધુ, સંતો, ભક્તોની હાજરીમાં ચારશિષ્યોને ગુરુદિક્ષા આપવામાં આવી હતી. અર્જુનમહારાજ દ્રારા ટકોર કરતાં કેહવામાં આવ્યું હતું કે ગુરુની પરંપરા અને આપણાં સપ્રંદાયના નિયમો આજ્ઞાને નિભાવી અને સમાજમાં વધુને વધુ ધર્મનો પ્રચાર કરવાનો તેમજ ધર્મની રક્ષા માટે તૈયાર રહી સમાજમાં દાગ લાગે નહીં તેવુ સતકાર્ય કરી બાપુનાં કાર્યનો વિસ્તાર કરવાનો છે.
ગુરુ દીક્ષાની ઉજવણી નિમિત્તે ભક્ત અર્જુન મહારાજના હસ્તે રામસિંગભાઈ શામળભાઈ વસાવા (મોટીચીખલી-નાંદોદ), રવિદ્રભાઈ લિમટાભાઈ ચૌધરી (રેગામા-માંડવી), ચેતનભાઈ રમેશભાઈ વસાવા (મોટી ચિખલી -નાંદોદ) અને શંકરભાઈ સાંગલીયાભાઈ વસાવાને ગુરુદિક્ષા અને ઝોલી આપવામાં આવી હતી.
આ પ્રસંગે ભકત અર્જુન મહારાજે આશિર્વચન આપતા જણાવ્યું હતુ કે, આજે દરેક પરિવાર ભક્તિમાં રસ દાખવી રહ્યો છે.દરેક સમાજના વડીલોએ તેમના ગામના યુવાનોને ખોટા રસ્તે જતા અટકાવી ભક્તિ માર્ગે વાળવાની ખુબ જરૂર છે. ગામના લોકોને ભક્તિમય બનાવી અહિંના લોકોને સાચી દિશા મળે અને લોકો ધાર્મિક પ્રવૃત્તિમાં જોતરાય તે ખુબ મહત્વનું છે.આજે ચિકલોટા ગામમાં આ કાર્ય દ્વારા લોકો ભક્તિમય બન્યા છે. ત્યારે નવી પેઢીએ પણ તેટલો જ ધ્યાન ભક્તિમાં રાખવો જોઈએ.
આ કાર્યક્રમમાં નાનાસુકાઆંબાના ગંભીર મહારાજ,ડેબારના વેચાણ મહારાજ, ભાણા દાસ મહારાજ, ચતુર મહારાજ, રાયસીંગ મહારાજ (સિંગલવાણ), ચુનીલાલ મહારાજ, રમેશ મહારાજ, અમીર મહારાજ, વેણીલાલ મહારાજ,રસિકભગત,ગોર્ધન મહારાજ, ગંભીરમહારાજ,ચિમન મહારાજ, અમરદાસ,મનસુખ મહારાજ,અમરદાસ અને નામી અનામી ગુરુંઓ, ધર્મપ્રેમી, સંતો, ભાઈ અને બહેનો સહિત મોટી સંખ્યામાં યુવાઓએ ઉપસ્થિત રહી આધ્યાત્મિક ઉર્જાનો લાભ લીધો હતો.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
