(ભાવેશ પંડ્યા,ભાલોદ)
ઝઘડીયા તાલુકાના ભાલોદ ગામે વિશ્વ હિન્દુ પરિષદ, સેવા ભારતી અને ગુજરાત નેશનલ મેડીકોઝ ઓર્ગેનાઈઝેશનના સંયુક્ત ઉપક્રમે ભાલોદ ગામમા આવેલા રામનાથ મંદીર હોલ ખાતે એક દિવસીય નિઃશુલ્ક મેડિકલ ચેકઅપ કેમ્પનું આયોજન કરવામાં આવ્યું હતું.
આ કેમ્પમાં વિવિધ પ્રકારની આરોગ્ય સેવાઓ ઉપલબ્ધ કરાવવામાં આવી હતી.જેમાં સામાન્ય તબીબી તપાસ, આંખોની તપાસ, દવાઓનું વિતરણ તેમજ ખાસ પરામર્શ સહિતની સેવાઓનો સમાવેશ થયો હતો.ગામના લોકોના આરોગ્યની ચિંતા રાખીને આયોજિત આ કેમ્પમાં મોટી સંખ્યામાં સ્થાનિક નાગરિકોએ લાભ લીધો હતો.
આ પ્રસંગે સ્થાનિક આરોગ્ય અધિકારીઓ, સેવા સંસ્થાના સેવકો તેમજ વિવિધ તબીબી ક્ષેત્રના નિષ્ણાતો હાજર રહીને સેવા આપી હતી.કેમ્પના સફળ આયોજન માટે ગામના આગેવાનો તથા વિશ્વ હિન્દુ પરિષદના કાર્યકરોનું મહત્વપૂર્ણ યોગદાન રહ્યું હતું.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
