(જ્યોતિ જગતાપ,રાજપીપલા)
રાજપીપળા નગરપાલિકાના ભાજપના વોર્ડ નંબર ૫ ના ચૂંટાયેલા ભાજપના સદસ્ય કોર્પોરેટર પ્રજ્ઞેશ રામીનું નગરપાલિકાના સભ્યપદેથી અને ભાજપ માંથી અચાનક રાજીનામુ આપી દેતા નગર પાલિકા છાવણી માં હડકંપ મચી જવા પામ્યો છે.
ડેડીયાપાડાના પૂર્વ ધારાસભ્ય મહેશ વસાવા એ ભાજપમાંથી રાજીનામું આપ્યા બાદ નગરપાલિકાના વધુ એક સદસ્યાના રાજીનામાથી ભાજપમાં હડકંપ મચી જવા પામ્યો છે.ભાજપના ચૂંટાયેલા સભ્ય પ્રજ્ઞેશ રામીએ નગરપાલિકા પ્રમુખને રાજીનામનો પત્ર સુપ્રત કર્યો છે.રાજીનામાં પત્રમાં જણાવ્યું છે કે મારી કામગીરીથી નગરપાલિકાને નુકસાન થયું હોય મને લાગે એટલે હું રાજીનામું આપુ છું.જોકે પ્રજાના કામો થતા ન હોવાની પણ ફરિયાદ હોઈ સદસ્ય નારાજ હતા.
પ્રજ્ઞેશ રામીએ ભાજપના સક્રિય અને પ્રાથમિક સભ્યપદેથી પણ રાજીનામું આપી દેતા ભાજપ છાવણીમાં સન્નાટો વ્યાપી ગયો છે.આ કોર્પોરેટરેટરે રાજીનામુ આપી દેતા નગ પાલિકાની વોર્ડ ૫ માટે પેટા ચૂંટણી આવશે.ત્યારે રાજીનામાથી અનેક અટકળો સાથે નર્મદાના રાજકારણમાં રાજકીય ગરમાવૉ આવી ગયો છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
