– લાખો ભક્તો ઉમટતા ચા,નાસ્તો અને ભોજન વ્યવસ્થા ખૂટી પડતા ભક્તોની સેવામા નર્મદા ભાજપા આગળ આવ્યું
(જ્યોતિ જગતાપ,રાજપીપળા)
નર્મદા પરિક્રમા માટે રજાઓમાં લાખો ભક્તો ઉમટતા અવ્યસ્થા સર્જાતા અને ચા નાસ્તો ભોજન વ્યવસ્થા ખૂટી પડતા ભક્તોની સેવામા નર્મદા ભાજપા આગળ આવ્યું છે.જિલ્લા પ્રમુખ નીલરાવની આગેવાનીમાં ભાજપાના કાર્યકરોએ નિસ્વાર્થ સેવા શરૂ કરી છે.
પવિત્ર ઉત્તરવાહીની નર્મદા પરિક્રમામાં ભાગ લેતા હજારો ભાવિક ભક્તોની સેવા અને સુવિધા માટે ભારતીય જનતા પાર્ટી (ભાજપ) નર્મદા જિલ્લા દ્વારા માંગરોળ ખાતે એક વિશાળ સેવા કેમ્પનો શુભારંભ કરવામાં આવ્યો છે.આ ઉમદા પહેલનું ઉદ્ઘાટન નર્મદા જિલ્લા ભાજપ પ્રમુખ નીલ રાવના હસ્તે ભક્તિમય વાતાવરણમાં કરવામાં આવ્યું હતું.આ કેમ્પમાં પરિક્રમામાં આવતા ભક્તો માટે આરામગૃહ, ચા, નાસ્તા, પીવાનું પાણી અને અન્ય જરૂરી સુવિધાઓની વ્યવસ્થા કરવામાં આવી છે.જે ભક્તોની આધ્યાત્મિક યાત્રાને વધુ સરળ અને આરામદાયક બનાવશે.
નર્મદા પરિક્રમા એ ગુજરાતની સૌથી પવિત્ર અને લાંબી આધ્યાત્મિક યાત્રાઓમાંની એક છે,જેમાં હજારો શ્રદ્ધાળુઓ પગપાળા ઉત્તર વાહિની નર્મદા નદીના કિનારે ચાલીને માતા નર્મદાની આરાધના કરે છે. આ યાત્રા દરમિયાન ભક્તોને શારીરિક અને માનસિક રીતે ટેકો આપવા માટે ભાજપ દ્વારા આ સેવા કેમ્પનું આયોજન કરવામાં આવ્યું છે.કેમ્પનું સ્થળ માંગરોળના મુખ્ય માર્ગ પર આવેલું છે,જે પરિક્રમાના માર્ગમાં આવતા ભક્તો માટે અનુકૂળ છે.
ઉદ્ઘાટન સમારોહમાં ભાજપના પ્રમુખ આગેવાનો અને કાર્યકર્તાઓની ઉપસ્થિત રહ્યા હતા.જેમાં અનિરુદ્ધસિંહ ગોહિલ,મંડલ પ્રમુખ અજીતભાઈ પરીખ,જતીનભાઈ પટેલ,કિરણભાઈ વસાવા સહિત અનેક હોદ્દેદારો,આગેવાનો અને સ્થાનિક કાર્યકર્તાઓએ ભક્તોની સેવા માટે પોતાનું યોગદાન આપ્યું હતું.આ કેમ્પમાં સેવા આપતા કાર્યકર્તાઓ ૨૪ કલાક ખડેપગે હાજર રહીને ભક્તોની સુવિધાનું ધ્યાન રાખી રહ્યા છે.
નીલ રાવે ઉદ્ઘાટન પ્રસંગે જણાવ્યું હતું કે માતા નર્મદા એ આપણી આસ્થા અને સંસ્કૃતિનું પ્રતીક છે.નર્મદા પરિક્રમા કરતા ભક્તોની સેવા એ ભાજપના કાર્યકર્તાઓ માટે ગૌરવની વાત છે.અમે આ કેમ્પ દ્વારા ભક્તોને આરામ, પોષણ અને પ્રેરણા આપવા માગીએ છીએ, જેથી તેઓ પોતાની યાત્રા પૂર્ણ શક્તિ અને ઉત્સાહ સાથે પૂર્ણ કરી શકે.”
સેવા કેમ્પમાં ભક્તો માટે ખાસ વ્યવસ્થાઓ કરવામાં આવી છે.આરામગૃહમાં બેસવા અને આરામ કરવા માટે પૂરતી જગ્યા, શુદ્ધ પીવાનું પાણી, ચા, નાસ્તા અને જરૂર પડે તો પ્રાથમિક સ્વાસ્થ્ય સુવિધાઓ પણ ઉપલબ્ધ કરાવવામાં આવી છે. સ્થાનિક લોકો અને ભક્તોએ આ પહેલની ખૂબ પ્રશંસા કરી છે. એક પરિક્રમા કરતા ભક્તે જણાવ્યું, “આવા સેવા કેમ્પથી અમને ઘણી રાહત મળે છે.લાંબી યાત્રામાં આવી સુવિધાઓ અમારા માટે આશીર્વાદ સમાન છે.”
આ સેવા કેમ્પ ૨૭ એપ્રિલ ૨૦૨૫ સુધી ચાલુ રહેશે, જે ઉત્તરવાહીની નર્મદા પરિક્રમાના સમાપન સુધી ભક્તોની સેવામાં સતત કાર્યરત રહેશે.ભાજપના આગેવાનોએ જણાવ્યું કે આવા કેમ્પનું આયોજન ભવિષ્યમાં પણ ચાલુ રહેશે,જેથી નર્મદા પરિક્રમાને વધુ સુગમ અને સફળ બનાવી શકાય.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
