– બોરજાઈ ખાતે બેસણામાં આવેલ વડોદરાનો યુવક ટેકરી પર પાર્ક કરેલ ગાડી નીચે ઉતારતો હતો ત્યારે કરૂણ ઘટના સર્જાઈ
(જ્યશીલ પટેલ,ઝઘડીયા)
ભરૂચ જીલ્લાના ઝઘડિયા તાલુકાના બોરજાઈ ગામે એક ફોર વ્હિલર ગાડી ખાડામાં પડી પલ્ટી મારી જતા ગંભીર રીતે ઈજાગ્રસ્ત થયેલ ચાલકનું મોત થયું હતું.
આ અંગે ઝઘડિયા જીઆઈડીસી પોલીસ માંથી મળતી વિગતો મુજબ વડોદરાના અકોટા ખાતે રહેતો રોહનભાઈ ડોડીયા નામનો યુવક તા.૧૮ મીના રોજ પરિવાર સાથે ઝઘડિયા તાલુકાના બોરજાઈ ગામે એક સંબંધી મહિલાના બેસણાની વિધિમાં આવ્યો હતો. આ લોકો દિવસ દરમ્યાન બેસણાની વિધિમાં રોકાયા હતા.રાતના નવેક વાગ્યાના અરસામાં રોહન બોરજાઈ ખાતે રહેતા તેના કૌટુંબિક ભાઈ વિપુલ વિજય વસાવા સાથે ફોર વ્હિલર ગાડીમાં ગામની ભાગોળે આવેલ મંદિર નજીક બેસવા ગયો હતા.આ દરમ્યાન રોહને તેની ફોર વ્હિલર ગાડી મંદિર નજીકની ટેકરી ઉપર પાર્ક કરી હતી.થોડી વાર ત્યાં બેઠા પછી પાછા ફરવાનો સમય થતાં રોહન ટેકરી પર પાર્ક કરેલ ગાડીમાં બેસીને નીચે ઉતારતો હતો તે દરમ્યાન તેણે સ્ટીયરિંગ પરથી કાબુ ગુમાવતા કાર ટેકરી પરથી દસેક ફુટ નીચે ખાડામાં પલ્ટી મારી ગઈ હતી.આ ઘટનામાં રોહન ગંભીર રીતે ઈજાગ્રસ્ત થતા બેભાન થઈ ગયો હતો.તેને એમ્બ્યુલન્સમાં વાલિયા સરકારી દવાખાને લઈ જવાયો હતો.જ્યાં ફરજ પરના તબીબે રોહનને તપાસીને મરણ પામેલ જાહેર કર્યો હતો.૨૭ વર્ષીય યુવક રોહનનું આ કરૂણ ઘટનામાં મોત નીપજતા પરિવાર શોકાતુર બની ગયું હતું.ઘટના સંદર્ભે વિપુલ વિજય વસાવા રહે.બોરજાઈ તા.ઝઘડિયાનાએ ઝઘડિયા જીઆઈડીસી પોલીસમાં ફરિયાદ લખાવતા પોલીસે ગુનો નોંધી કાયદેસર કાર્યવાહી હાથધરી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
