(જ્યશીલ પટેલ,ઝઘડીયા)
ઝઘડિયા ખેતીવાડી ઉત્પન્ન બજાર સમિતીમાં ચેરમેન અને વાઈસ ચેરમેનની અઢી વર્ષની મુદત પુરી થતા નવા ચેરમેન અને વાઈસ ચેરમેનની નિમણુંક સર્વાનુમતે કરવામાં આવી છે.
પ્રથમ અઢી વર્ષ માટે ભાજપ પ્રેરિત પેનલના દીપક પટેલ ચેરમેન તરીકે ફરજ બજાવી હતી.જેના સ્થાને હવે નવા ચેરમેન તરીકે ભાજપના ધર્મેન્દ્રસિંહ પાંજરોલિયાની નિમણૂક કરવામાં આવી છે.વાઈસ ચેરમેન તરીકે પ્રથમ અઢી વર્ષ માટે પ્રિયાંક દેસાઈ વાઈસ ચેરમેન હતા તેમને વધુ અઢી વર્ષ માટે વાઈસ ચેરમેન તરીકે રીપીટ કરવામાં આવ્યા છે.
ઝઘડિયા એપીએમસીની સામાન્ય ચૂંટણી અઢી વર્ષ પહેલા યોજાઈ હતી.નવી વિજેતા થયેલ પેનલમાં દીપકભાઈ પટેલ ચેરમેન તરીકે ચૂંટાયા હતા અને વાઈસ ચેરમેન તરીકે પ્રિયાંક દેસાઈ ચૂંટાયા હતા.વાઈસ ચેરમેનની અઢી વર્ષની ટર્મ પુરી થતા નવા વાઈસ ચેરમેનની નિમણુંક કરવાની હતી.આજરોજ ઝઘડિયા એપીએમસી ખાતે નવા ચેરમેન વાઈસ ચેરમેનની નિમણુંક માટે સમિતિના ડિરેક્ટરોની સભા મળી હતી.જેમાં સર્વાનુમતે ધર્મેન્દ્રસિંહ પાંજરોલિયાની ચેરમેન તરીકે અને વાઈસ ચેરમેન તરીકે પ્રિયાંક દેસાઈને વધુ અઢી વર્ષ માટે રીપીટ કરવામાં આવ્યા છે.
અત્રે ઉલ્લેખનીય છે કે એપીએમસી એક્ટ ૨૦૨૦ પ્રમાણે ૨ ટર્મ થી વધુ સમય માટે ચેરમેન બની ના શકે જેના અનુસંધાને દીપક પટેલના સ્થાને ધર્મેન્દ્રસિંહ પાંજરોલિયાની ચેરમેન તરીકે નિમણૂક કરવામાં આવી છે.નવા નિમણુંક પામેલા ચેરમેન વાઈસ ચેરમેનને ઉપસ્થિત ડિરેકટરો અને એપીએમસી કર્મચારીગણ તાલુકા ભાજપ દ્વારા શુભેચ્છા પાઠવવામાં આવી હતી.આ પ્રસંગે ઝઘડિયાના ધારાસભ્ય રિતેશ વસાવા, દુધધારા ડેરીના ડિરેક્ટર પ્રકાશ દેસાઈ, જીલ્લા પંચાયતના પ્રમુખ મહેન્દ્રસિંહ વાંસદિયા ખાસ ઉપસ્થિત રહ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
