(જ્યશીલ પટેલ,ઝઘડીયા)
સેન્ચ્યુરી એન્કા લિમિટેડ (યુનિટ –રાજશ્રી પોલિફિલ) ની કંપની દ્વારા તેની સી.એસ.આર યોજના હેઠળ તથા સેવા રૂરલના સહયોગથી ભરૂચ જીલ્લાના ઈન્દોર ગામમા માધ્યમિક શાળા ખાતે નિશુલ્ક નેત્ર નિદાન અને સારવાર કેમ્પનું આયોજન કરવામાં આવ્યું હતું.આ કેમ્પમાં કુલ ૨૭ મોતિયાના ઓપેરેશનવાળા દર્દીઓ નિદાન થયા જે માથી કુલ ૨૪ મોતિયાના ઓપેરેશનવાળા દર્દીઓ સેવા રૂરલમા આજ રોજ લઈ જવાયા હતા.કુલ ૨૪૧ ચશ્માની જરૂરિયાત વાળા દર્દીઓ મળી કુલ ૨૯૫ આંખના વિવિધ તકલીફવાળા દર્દીઓએ આ કેમ્પનો લાભ લીધો હતો.કેમ્પના આયોજનના કારણે ભરૂચ જીલ્લાના ઈન્દોર ગામના આજુબાજુના આશરે ૧૫.થી ૨૦ ગામડાઓના ગરીબ દર્દીઓને ઘણી રાહત સાંપડી હતી.
