– વીજ કંપનીના વિજિલન્સ વિભાગની ૧૨ ટીમોએ વહેલી સવારે વીજ ચેકિંગ હાથ ધરતા વીજચોરો ઉંઘતા ઝડપાયા
(જયશીલ પટેલ,ઝઘડીયા)
ભરૂચ જિલ્લાના ઝઘડિયા તાલુકાના રાજપારડી પંથકના ગામોમાં આજે શુક્રવારે વહેલી સવારે ડી.જી.વી.સી.એલ.ના વિજિલન્સ વિભાગની ૧૨ ટીમોએ આકસ્મિક દરોડા પાડીને ૧૦ લાખ ઉપરાંતની વીજચોરી ઝડપી પાડી હતી.શુક્રવારના રોજ લોકો વહેલી સવારે શિયાળાની ઋતુમાં મીઠી નિંદરમાં હતા.ત્યારે ડી.જી.વી.સી.એલ વિજિલન્સ વિભાગની ૧૨ ટીમો ત્રાટકી હતી અને આકસ્મિક ચેકિંગ હાથ ધર્યું હતું.ચેકિંગ દરમ્યાન વિવિધ ગામોના વીજ ગ્રાહકોના જોડાણોની ઝીણવટભરી તપાસ હાથધરી હતી.જેમાં રાજપારડી,વણાકપોર, તરસાલી,ભાલોદ વિગેરે ગામોમાં ચેકિંગ દરમ્યાન ૧૮ જેટલા વીજ જોડાણો ક્ષતિગ્રસ્ત જણાતા વીજચોરી થઈ હોવાનું જણાતા આ ગ્રાહકોને કુલ રૂપિયા ૧૦ લાખ રૂપિયા ઉપરાંતનો દંડ ફટકારવામાં આવ્યો હતો.ડી.જી.વી.સી.એલ.વિજિલન્સ વિભાગની ૧૨ ટીમો તેમજ પોલીસ બંદોબસ્ત સાથે ૧૩ જેટલા વાહનોના કાફલાએ કુલ ૨૬૧ જેટલા વીજ જોડાણો તપાસ્યા હતા.જેમાં ૧૮ જેટલાં વીજ મીટરોમાં ચેડા કરાયા હોવાનું તેમજ અન્ય અવનવી તરકીબો વાપરી વીજચોરી કરવામાં આવી હોવાનું બહાર આવ્યું હતું.આકસ્મિક થયેલ વીજ ચેકિંગથી વીજચોરી કરતા ઈસમોમાં ફફડાટ ફેલાયો હતો.




