ઉનાળાની ઋતુમાં મુસાફરોને પોસાય તેવા ભાવે ભોજન પૂરું પાડી રહી છે ભારતીય રેલ્વે

ભારતીય રેલ્વેએ ઈન્ડિયન રેલ્વે કેટરિંગ એન્ડ ટુરિઝમ કોર્પોરેશન (IRCTC) ના સહયોગથી મુસાફરોને, ખાસ કરીને બિનઆરક્ષિત કોચમાં, પોષણક્ષમ ભાવે આરોગ્યપ્રદ ખોરાક અને નાસ્તો આપીને સેવા આપવા માટે એક નવી પહેલ શરૂ કરી છે. ઉનાળાના મહિનાઓમાં મુસાફરોની સંખ્યામાં વધારાને ધ્યાનમાં રાખીને આ પહેલ કરવામાં આવી છે.ભારતીય રેલ્વે અનરિઝર્વ્ડ કોચ (જનરલ ક્લાસ કોચ) માં મુસાફરી કરતા મુસાફરો દ્વારા સામનો કરવામાં આવતા પડકારોથી સારી રીતે વાકેફ છે, જેમની પાસે હંમેશા અનુકૂળ અને બજેટ-ફ્રેંડલી ફૂડ વિકલ્પોની ઍક્સેસ હોતી નથી.આ દિશામાં,પશ્ચિમ રેલ્વેએ પણ મુંબઈ સેન્ટ્રલ, બાંદ્રા ટર્મિનસ, ભરૂચ, વડોદરા અને ચિત્તૌરગઢ સ્ટેશનો પર ઓછી કિંમતે/ પરવડે તેવી ભોજનની સુવિધા શરૂ કરી છે.વધુમાં,વધુ સ્ટેશનોની ઓળખ કરવામાં આવી રહી છે અને પોસાય તેવા ખોરાક અને પાણીની ઉપલબ્ધતા માટે ધીમે ધીમે વિસ્તૃત સેવા કાઉન્ટરોની જોગવાઈ કરવામાં આવશે.
પશ્ચિમ રેલ્વેના મુખ્ય જનસંપર્ક અધિકારી સુમિત ઠાકુર દ્વારા જારી કરવામાં આવેલી અખબારી યાદી મુજબ, ઓછા ખર્ચે/સસ્તા ભોજન માટેના કાઉન્ટરો પ્લેટફોર્મ પર જનરલ સેકન્ડ (GS) વર્ગના કોચના સ્થાન સાથે સંરેખિત કરવામાં આવી રહ્યા છે. આ પહેલ બે પ્રકારના ભોજન પ્રદાન કરે છે:
પોષણક્ષમ ખોરાક પોષણક્ષમ કિંમત રૂ. 20 માં આ ભોજન સફરમાં પ્રવાસીઓ માટે સંતોષકારક અને આર્થિક વિકલ્પ પૂરો પાડે છે.હળવો નાસ્તો કરવા માંગતા લોકો માટે 50 રૂપિયામાં નાસ્તો પણ ઉપલબ્ધ છે.
મુસાફરોને વિક્રેતાઓ શોધવા અથવા સ્ટેશનની બહાર જવાની જરૂરિયાતને દૂર કરીને, મુસાફરો આ કાઉન્ટર પરથી સીધા જ તેમના નાસ્તાની ખરીદી કરી શકે છે.ગયા વર્ષે લગભગ 51 સ્ટેશનો પર આ સેવાનું સફળતાપૂર્વક પરીક્ષણ કરવામાં આવ્યું હતું.તે સફળતાના આધારે, રેલ્વેએ પ્રોગ્રામને નોંધપાત્ર રીતે વિસ્તૃત કર્યો છે, જેમાં હવે કાઉન્ટર્સ 100 થી વધુ સ્ટેશનો અને કુલ 150 જેટલા કાઉન્ટર્સ પર કાર્યરત છે.નજીકના ભવિષ્યમાં વધુ સ્ટેશનોનો સમાવેશ કરીને આ પહેલને વધુ વિસ્તારવાની યોજના છે.આ પ્રોગ્રામ મુસાફરોને ખાસ કરીને સામાન્ય વર્ગના કોચમાં મુસાફરી કરતા લોકોને નોંધપાત્ર લાભ પૂરો પાડે છે. સહેલાઈથી ઉપલબ્ધ, સસ્તું ભોજન અને નાસ્તો એ સુનિશ્ચિત કરે છે કે પ્રવાસીઓને તેમની મુસાફરી દરમ્યાન આરામદાયક અનુભવ મળે તેવા પ્રયાસો કરવામાં આવી રહ્યા છે.